I Samuel 17:55 - Sră Goh 2018

⁵⁵ Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 17:55 ပူးပေါင်းရင်းမြစ်များ

Sơnròp Gơlik Gơs 42:15

Do la bơta añ lòng ală bol mê, añ ai bơta kis Pharaôn dê mơ srat să lah, dilah oh put bol mê dê ò lòt tus hơ do, gen bol mê ò gơs tŭ lơi geh lik bơh tiah do.

I Samuel 1:26

Mơ Anne đơs mơ Heli lah: “Ơ yàng añ jê, di ngan kung be ồng kis, yàng añ jê, añ la cau ùr neh ơm ntào tềng do di đap ồng mơ hòi dan mơ Yàng Jehôwa.

I Samuel 14:50

Bau ùr Sol dê sơnđan la Ahinôam kòn ùr Ahimas. Sơnđan cau at bồ mpồl ling khai dê la Apner kòn klau Ner la wa Sol dê.

I Samuel 16:12

Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”

I Samuel 17:54

Dabit ai bồ Gôliat cèng gơ tus hơ Jerusalem, mơya khai ơn ală phan tòmlơh Gôliat dê tòm sàl khai dê.

I Samuel 17:56

Cau bơtau đơs lah: “Jòi lùp tĕ nàng git cau pơnu hơ̆ la kòn ñcau dê.”

I Samuel 17:58

Sol lùp khai lah: “Ơ cau pơnu, mê la kòn ñcau taih?” Dabit ho lah: “Añ la kòn klau cau duh broă bơtau dê la Jese ơm tòm Betlehem.”

I Samuel 26:5

Gen Dabit lik lòt tus hơ tiah Sol neh bơtào sàl; mơ Dabit neh gŏ tiah Sol ơm bic bal mơ Apner kòn klau Ner, cau at bồ mpồl ling. Sol ơm bic tòm dơlam sàl, tòm tŭ mpồl ling sơntơp sàl gùt dar khai.