I Samuel 17:50 - Sră Goh 2018

⁵⁰ Behơ̆ Dabit ngui sơna sơrbì lŭ mơ dô pơnai lŭ mơ geh pha lin rlau mơ Gôliat, tòmpừ khai di tiah mơ tơnchơt khai, mơ ò gơs dô nơm đào tòm tê.

I Samuel 17:50 ပူးပေါင်းရင်းမြစ်များ

Ală Kwang Cahrña 15:15

Gen khai gŏ dô nơm ntìng kàng pa alàng dê, gen khai tus rềp dòñ gơ mơ tơnchơt dô rbô nă cau klau mơ ntìng hơ̆.

Ală Kwang Cahrña 3:31

Tơnơ̆ mơ Ehut gen gơs Samgar, kòn klau Anat dê; khai ngui dô nơm gai cok kơnrồ mơ tơnchơt prau rhiang nă cau Philistin, mơ khai kung dong tă làng bol Israel sơl.

I Samuel 13:22

Behơ̆ tòm ngai tòmlơh, ală cau ling ơm bal mơ Sol mơ Jônathan, ò gơs cau lơi gơs đào hala tà tòm tê bol khai; mơya mìng Sol mơ Jônathan kòn klau khai dê gơs.

I Samuel 17:39

Dabit kơt đào khai dê di ào tòmlơh mơ lòng lòt gùt dar tài bơh khai ò mòng soh ală phan hơ̆. Gen khai đơs mơ Sol lah: “Añ ò rgơi lòt tòm ală phan do tài bơh añ ò mòng soh gơ.” Behơ̆ khai hồ ală phan hơ̆.

I Samuel 17:49

Dabit cok tê tòm kơldung khai dê mơ ai dô pơnai lŭ, khai ngui sơna sơrbì lŭ mơ sơrbì gơ di di bìng liang cau Philistin. Lŭ hơ̆ mut tòm bìng liang khai dê, mơ khai gơpừ blup mat di ù.

I Samuel 17:51

Behơ̆ Dabit ntoat tus mơ ntào hơđang cau Philistin. Khai at đào cau Philistin dê mơ tă gơ bơh di sơmprồm gơ dê. Tơnơ̆ mơ tŭ Dabit neh tơnchơt cau Philistin rau gen Dabit ai đào koh bồ cau Philistin dê. Tòm tŭ làng bol Philistin gŏ cau pràn kơldang khin cha mơ jak tòmlơh bol khai dê neh chơt rau gen bol khai ntoat dô.

I Samuel 19:5

Khai neh phi bơta kis khai dê tòm tŭ khai tơnchơt Gôliat. Yàng Jehôwa neh ai Israel in bơta pha lin rlau dờng ngan, bèp neh gŏ bơta hơ̆ mơ hòn chò. Behơ̆, ñchi bơh tài bèp lơh tìs kòñ tơnchơt dô nă cau ò gơs glài la Dabit taih?”

I Samuel 21:9

Cau gơnoar ơn phan duh khoai ho lah: “Tềng do gơs đào Gôliat dê la cau Philistin mơ ồng neh tơnchơt tòm thòng Elah, gơ geh pùt mơ bài ơn đah ngkòi ephot. Dilah ồng kòñ ngui gơ gen ai tĕ; tềng do ò gơs đào lơi ndai rlau mơ gơ.” Dabit đơs lah: “Ò gơs đào lơi ndai ndròm be gơ, ai tĕ gơ añ in.”

I Samuel 23:21

Sol đơs lah: “Dan Yàng Jehôwa ai lơngai bol mê in, bơh bol mê neh yal tơlik bơta nđàc sơngit di añ!