I Samuel 17:46 - Sră Goh 2018

⁴⁶ Ngai do Yàng Jehôwa rơp jào mê tòm tê añ, añ rơp lơh mê gơpừ di tiah mơ koh bồ mê. Ngai do añ rơp ai ƀồc mpồl ling cau Philistin dê ală sềm hơđang trồ in mơ ală phan poan jơng tòm ù in; mơ jơh lơgar dunnia rơp git lah gơs dô nă Yàng Tom Trồ tòm Israel.

I Samuel 17:46 ပူးပေါင်းရင်းမြစ်များ

Sơnròp Gơlik Gơs 40:19

Tòm pe ngai tai, Pharaôn rơp koh ngko ồng mơ yồng ồng hơđang tòm chi, mơ sềm rơp sa poac ồng.”

II Samuel 18:28

Gen Ahimas driau dờng mơ bơtau lah: “Jơh ală bơta niam lơm.” Khai tơmbic să blup mat tòm ù di đap bơtau, mơ đơs lah: “Jòng ro Jehôwa Yàng Tom Trồ bơtau dê! Kơnràñ neh jào cau neh pò tê tòmdră mơ cau tòm añ jê la bơtau.”

II Samuel 21:10

Rispa, kòn ùr Aija, ai ồi ào sơnò kiat mơ lă khai in hơđang dô nơm pơnai lŭ. Bơh di ngai bồ kơnhai toès jơl tus di tŭ gơs mìu bơh đang trồ dùh hơđang ală ƀồc bol khai, khai ò ai sềm rơp hơđang ƀồc tòm trồ ngai, hala phan poan jơng tus rềp tòm trồ mang.

I Ală Bơtau 8:43

gen dan Yàng hơđang trồ la tiah Yàng ơm, iat tĕ mơ lơh jat ală bơta cau nac crih rơp hòi dan mơ Yàng; nàng jơh ală làng bol tòm dunnia, đal git sơnđan Yàng, duh rngòt Yàng, tòm toh be làng bol Israel Kơnràñ dê, mơ nàng bol khai rgơi git hơ̆ la sơnđan Yàng geh hòi dan tòm hìu duh khoai do mơ añ neh bơt bơtào.

I Ală Bơtau 8:60

behơ̆ nàng ală làng bol lơgar dunnia dê git la Jehôwa la Yàng Tom Trồ, mơ ò gơs Yàng lơi ndai tai.

II Ală Bơtau 19:19

Behơ̆ tŭ do, ơ Jehôwa Yàng Tom Trồ bol hi dê! Dan dong tă bol hi klàs bơh tê Sennacerip, tồ jơh ală lơgar hơđang plai ù git lah mìng dô nă Jehôwa la Yàng Tom Trồ lơm.”

II Ală Bơtau 5:15

Gen khai rê wơl tus hơ cau Yàng Tom Trồ dê, bal mơ jơh ală cau lòt bal mơ khai; tus ntào di đap Elise, mơ đơs lah: “Tŭ do añ đal git lah tòm làm jơh lơgar dunnia ò gơs yàng lơi ndai rlau mơ Yàng Tom Trồ tòm Israel. Dan dòp tĕ dô nơm phan ơn bơh cau dĭ gơna ồng dê.”

Đơs Crih 31:8

Yàng ò bơtào añ tòm tê cau sò tơm, Kơnràñ ơn jơng añ jê di tiah ơnàng.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Esai 37:20

Tŭ do, khoai Jehôwa Yàng Tom Trồ bol hi dê, dan dong tă bol hi klàs bơh di tê khai dê, tồ jơh ală lơgar tòm plai ù rơp git mìng dô nă Kơnràñ lơm, khoai Yàng Jehôwa, la Yàng Tom Trồ.”

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Esai 56:9

Ơ ală phan poan jơng tòm ƀlàng, tus tĕ. Ơ ală phan poan jơng tòm brê, tus tĕ mơ sa loan!

Jeremi 19:7

Tòm tiah do Añ rơp lơh roh bơta rơndap Juda dê mơ Jerusalem dê. Añ rơp lơh bol khai in gơpừ bơh đào di đap cau sò tơm, mơ bơh tê ală cau kòñ tơnroh bơta kis bol khai dê; Añ rơp phi ƀồc bol khai ală sềm trồ mơ jơi phan poan jơng tòm ù lơh gơs phan sa.

Jeremi 34:20

Añ rơp phi bol khai tòm tê cau sò tơm, cau kòñ lơh iơh di bơta kis bol khai; ƀồc chơt bol khai rơp lơh gơs phan sa sềm trồ mơ phan poan jơng tòm ù in.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Mathiơ 24:28

Ƀồc chơt tiah lơi, gen ală klàng rơp ơñùm tềng hơ̆.”

Yal Wơl 28:26

Ƀồc chơt bol mê dê rơp gơlik gơs phan sa jơh ală sềm in tòm pah gòi mơ ală phan poan jơng in tòm ù, mơ rơp ò gơs cau lơi ting bơtrơh bol gơ.

Yal Wơl 7:2

mơ tòm tŭ Jehôwa Yàng Tom Trồ bol mê dê neh jào bol khai bol mê in mơ bol mê neh lơh alah bol khai, gen bol mê pal tơnroh jơh hir bol khai. Bañ bơtào jơnau tòmho bal lơi mơ bol khai, mơ bañ gơs bơta nđàc sơngit dê bol khai.

Yal Wơl 7:23

Mơya Jehôwa Yàng Tom Trồ bol mê dê rơp jào bol khai tòm tê bol mê dê, mơ sang bol khai tòm bơta rngòt rngơt dờng ngan, jơl tus di tŭ bol khai gơkòl tơnroh jơh.

Jôsue 10:8

Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

Jôsue 4:24

Behơ̆ tồ jơh ală làng bol tòm dunnia in git lah tê Yàng Jehôwa dê gơs gơnoar dờng, mơ tồ bol mê in duh rngòt di Jehôwa Yàng Tom Trồ bol mê dê sùm sùm.”

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 17:44

Khai đơs lah: “Tus tĕ hơ añ do, añ rơp ai poac mê ală sềm hơđang trồ in, mơ ală phan poan jơng tòm ƀlàng in!”