I Samuel 17:37 - Sră Goh 2018

³⁷ Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”

I Samuel 17:37 ပူးပေါင်းရင်းမြစ်များ

II Samuel 10:12

Lơh tĕ pràn kơldang mơ bol he khin cha tĕ tòmlơh tài bơh làng bol bol he dê mơ ală ƀòn dờng Yàng Tom Trồ bol he dê; mơ dan Yàng Jehôwa lơh bơta lơi niam nùs Kơnràñ.”

I Yal Yau 22:11

Tŭ do, ơ kòn klau añ jê, dan Yàng Jehôwa ơm bal mơ kòn, mơ dan kòn in geh bơtoah bơtoài mơ bơt hìu Jehôwa Yàng Tom Trồ kòn dê jat be Kơnràñ neh đơs bơh kòn.

I Yal Yau 22:16

mơ màh mơ priă, mơ kòng mơ lòs, ntum khà ală cau lơh broă hơ̆ la oă ngan ò jai kòp. Tŭ do, rơp sơntòm lơh broă tĕ, mơ Yàng Jehôwa rơp ơm bal mơ kòn.”

Đơs Crih 11:1

Añ kìng crŭ să añ tòm Yàng Jehôwa; Mbe bol mê rgơi đơs mơ añ lah: “Dô pồn tĕ be sềm tòm mơnơm” taih?

Đơs Crih 118:6

Yàng Jehôwa ơm đah mơ añ, añ ò rngòt; Ñchi kòn mơnus rgơi lơh di añ taih?

Đơs Crih 138:3

Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

Đơs Crih 63:7

Bơh Yàng neh dong kòl añ, Tòm tiah mƀur pơnđar Kơnràñ dê añ rơp đơs chò bơh nùs hòn chò.

Đơs Crih 77:11

Añ rơp kah wơl ală broă Yàng Jehôwa dê, Ngan añ rơp kah wơl ală broă crih crài Kơnràñ dê tòm rài yau.

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Jôsue 1:17

Be bol hi neh dòn bơr Môise tòm jơh ală bơta, gen bol hi kung rơp dòn bơr ồng behơ̆ sơl. Mìng dan Jehôwa Yàng Tom Trồ ồng dê ơm bal mơ ồng kung be Kơnràñ neh ơm bal mơ Môise.

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.

I Samuel 17:38

Gen Sol ai ào lòs tòmlơh khai dê tơnsoh Dabit in. Khai tơnsoh ào lòs tòmlơh Dabit in mơ tơndau dô nơm sơgơn kòng di bồ khai.

I Samuel 20:13

Mơya dilah bèp añ gơs nùs kòñ lơh iơh di bi, gen dan Yàng Jehôwa lơh iơh rmơh rlau jơh di añ dilah añ ò ai bi in git mơ sồr bi dô pleh lơngap lơngai. Dan Yàng Jehôwa ơm bal mơ bi kung be Kơnràñ neh ơm bal mơ bèp añ.

I Samuel 24:19

Bơh cau lơi neh bàn cau sò tơm khai dê mơ sồr cau sò tơm hơ̆ in lòt lơngap lơngai sơl ơ? Dan Yàng Jehôwa ai bơta niam mê in bơh mê neh lơh niam gơwèt mơ añ tòm ngai do.

I Samuel 26:25

Gen Sol đơs mơ Dabit lah: “Ơ Dabit kòn añ, dan mê in geh lơngai, mê rơp lơh ală broă mơ rơp geh cồng nha.” Behơ̆ Dabit lòt gùng khai dê, ai Sol rê wơl tòm hìu.

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”