I Samuel 17:34 - Sră Goh 2018

³⁴ Mơya Dabit đơs mơ Sol lah: “Cau duh broă bơtau dê òs ê belàt bèp añ jê. Tŭ lơi gơs dô nơm klìu triă hala dô nơm jơgơu tus kap dô nơm belàt kòn bơh di mpồl,

I Samuel 17:34 ပူးပေါင်းရင်းမြစ်များ

Sơnròp Gơlik Gơs 31:39

Phan poan jơng lơi mơ phan tòm brê neh lơh sồt añ ò cèng kồñ in, tài bơh să tòm añ kong tơm gơ; kồñ kư̆ lùp di añ ală phan cau kơñau tòm trồ ngai mơ tòm trồ mang.

II Samuel 17:8

Ồng git bèp ồng mơ ală cau jat khai la ală cau ling jak tòmlơh, gơs nùs gơhào khuh ò gơkrơi kung be dô nơm jơgơu me tòm brê neh cau kup kòn gơ dê. Rlau mơ hơ̆ tai, bèp ồng la dô nă cau git làm tòm bơta tòmlơh, khai rơp ò bic mang bal mơ mpồl ling.

II Samuel 23:20

Benayah kòn klau Jehôyada tòm Kapjeel la dô nă cau ling tòmlơh khin cha, lơh gơs ală broă tiơng pơnro dờng. Khai neh tơnchơt bàr nă cau Môap pràn kơldang rlau jơh. Tòm dô ngai mìu piar ne, khai mù tòm dô nơm brong jrô mơ tơnchơt dô nơm klìu triă.

I Yal Yau 11:22

Benayah kòn klau Jehôyada la dô nă cau ling tòmlơh khin cha pràn kơldang tòm Kapseel, neh lơh ală broă dờng mơ krơi is. Khai tơnchơt bàr nă tòm ală cau Môap jak rlau jơh. Khai kung mù tòm dô nơm trồm jrô tòm dô ngai dùh piar mơ tơnchơt dô nơm klìu triă.

Đơs Crih 143:5

Añ kah wơl ală ngai yau òr, Añ kơlôi bơh ală bơta Yàng neh lơh, Mơ kơlôi sơnơng bơh ală broă tê Yàng lơh.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Amôs 3:12

Yàng Jehôwa đơs be do: “Be cau ê belàt mìng tă bàr đah nơm jơng hala dô nơm tồr bơh di bơr klìu triă, behơ̆ ală làng bol Israel la ală cau ơm tòm Samari rơp geh dong tă di mum cơnòng jòng hala di gah cơnòng bic bol khai dê.

Sacari 11:16

Bơh Añ rơp bơtào tơngguh dô nă cau ê tòm lơgar, la cau ê rơp ò jòi belàt neh roh, ò kơlôi rcang belàt kòn, ò sơm belàt sồt rmàñ, ò siam belàt pràn, mơya rơp sa poac belàt niam rlau jơh, crè ală nđias jơng gơ dê.”

Sacari 9:7

Añ rơp tă sang ngài mhàm bơh di bơr bol khai, la phan ngkòr ngkàc bơh digùl sề bol khai dê. Ală cau gam wơl bol khai dê rơp gơrê bal mơ Yàng Tom Trồ bol he dê; mơ rơp gơlik gơs dô jơi bơtiàn tòm Juda, mơ Ekrôn rơp kung be làng bol Jebusit.

Luka 2:8

Mơ tai, tòm kơnhwàl hơ̆ gơs ală cau ê belàt ơm tòm ƀlàng, drơng mang kơp gàr mpồl belàt.

Jang 10:11

Añ la cau ê niam. Cau ê niam bơh mpồl belàt mơ phi bơta kis he.

Rôma 5:4

bơta kơ̆ nùs tơnggơs nùs nhơm niam, nùs nhơm niam tơnggơs bơta gơn kơnòm.

Hebrơ 11:33

Ală cau hơ̆ bơh bơta dòn neh geh pha lin rlau mơ ală lơgar, lơh jat bơta song ring, dòp geh bơta neh ho pơgon, lềt bơr ală klìu triă,

Yal Tơlik 13:2

Phan poan jơng añ gŏ hơ̆ gơlơh be klìu sơmañ, jơng be jơng jơgơu, bơr be bơr klìu triă. Nagrài ai phan poan jơng hơ̆ in gơnap gơnoar, sơbàn mơ gơnoar dờng gơ dê.

Ală Kwang Cahrña 14:6

Hwềng Yàng Jehôwa dê tus hơđang khai bềng gơnoar pràn tian gơs khai crè gơ mơ tê gòi kung be crè dô nơm be kòn behơ̆ sơl. Mơya khai ò yal mè bèp khai in ñchi bơta khai neh lơh.

I Samuel 17:15

mơya Dabit neh rê bơh tiah Sol nàng ê belàt bèp khai dê tòm Betlehem.

I Samuel 17:33

Sol ho lah: “Mê ò rgơi lòt tòmlơh mơ cau Philistin do, mê mìng la dô nă cau kơnòm dềt, mơ khai la dô nă cau jak tòmlơh bơh di tŭ khai gam pơnu.”

I Samuel 17:35

gen añ ting jat gơ, lơh gơ mơ dong tă belàt bơh di bơr gơ. Tòm tŭ gơ brồ lơh añ gen añ sơmbat di sơnò tềp gơ, lơh gơ mơ tơnchơt gơ.