I Samuel 17:28 - Sră Goh 2018

²⁸ Tòm tŭ Eliap, bi tơnhoa Dabit dê kơno khai đơs mơ ală cau hơ̆, gen Eliap gơhào gơjrañ ngan mơ lùp Dabit lah: “Ñchi bơh tài mê mù hơ do taih? Mê neh lòi cau lơi in ê gàr dô êt belàt hơ̆ tòm ƀlàng ngềt ngơt taih? Añ git bơta pơnhừ să mê dê, mơ nùs mê iơh bơsak la mbe lơi; mê neh tus tềng do mìng nàng sền bơta tòmlơh lơm.”

I Samuel 17:28 ပူးပေါင်းရင်းမြစ်များ

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Sơnròp Gơlik Gơs 37:4

Ală bi khai gŏ bèp kòñ gơboh di Jôsep rlau mơ ală bol khai, gen gơs nùs gơjrañ kơuềng di khai, mơ ò bài đơs niam mơ khai.

Sơnròp Gơlik Gơs 37:8

Gen ală bi khai ho lah: “Mê rơp at bồ bol hi ơ? Mê rơp geh gơnoar hơđang bol hi ơ?” Bol hơ̆ sơlo gơjrañ kơuềng di khai oă tai, tài bơh ală bơta mpau mơ jơnau đơs khai dê.

II Yal Yau 11:18

Rôbôam bau mơ Mahalat kòn ùr Jerimôt, sau Dabit mơ Abihail kòn ùr Eliap, sau Jesse dê.

Đơs Crih 35:11

Ală cau lơh cơng iơh rmơh bơtào tơngguh, Bol khai lùp añ ală bơta añ ò git.

Jơnau Pơnđik 18:19

Dô nă cau kong cau lơh moat jrùng Kalke geh gơtòmsòr wơl rlau mơ tòmpìt dô nơm theng kơ̆ cê; Bơta tòmpìt tòmhà behơ̆ ò gơkrơi be ală kai mpồng hìu gơlang.

Jơnau Pơnđik 27:4

Bơta gơjrañ dờng ngan la iơh rmơh, mơ tŭ gơjrañ be dà tơrlah bơtơt; mơya ñcau rgơi ntào jai di đap bơta gơjrañ mañ taih?

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Mathiơ 10:36

cau sò tơm bol mê dê hơ̆ la cau tòm hìu nhă he.

Mathiơ 27:18

Bơh Pilat git loh bol hơ̆ bơtào Kơnràñ bơh nùs ƀoah gơjrañ.

Jơnau Niam Jat Mak 3:21

Ală cau tòm hìu nhă Kơnràñ dê kơno behơ̆ gen tus nàng kup gàr Kơnràñ, bơh bol khai đơs lah: “Kơnràñ neh roh dơngoh jak rau.”

Jude 1:10

Mơya ală cau do bơrsèl tơnhial di ală bơta bol khai ò git wă, ai ală bơta bol khai jat bơta òs mơ git kung be ală phan poan jơng ò gơs dơngoh kơlôi, gen bol khai kòl tơnroh bơh ală bơta hơ̆.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 17:29

Dabit đơs lah: “Ñchi añ neh lơh taih? Añ ò rgơi lùp dô jơnau sơl ơ?”