I Samuel 17:12 - Sră Goh 2018

¹² Dabit la kòn klau dô nă cau Ephrat sơnđan la Jese, bơh ƀòn Betlehem tòm Juda. Jese gơs phàm nă kòn klau, mơ tòm pah rài Sol khai neh kra mơ jòng sơnam rau.

I Samuel 17:12 ပူးပေါင်းရင်းမြစ်များ

Sơnròp Gơlik Gơs 35:19

Behơ̆ Racel chơt, mơ tơp di gah gùng lòt hơ Ephrata, tềng hơ̆ la Betlehem.

II Samuel 23:1

Do la ală jơnau đơs lồi dut Dabit dê: “Jơnau đơs Dabit dê, kòn klau Jese, hơ̆ la jơnau đơs cau geh Yàng Tom Trồ yò tơngguh, cau geh bong mơñà bơh Yàng Tom Trồ Jakôp dê, cau jak đơs chò Israel dê.

Đơs Crih 132:6

Ne, bol he neh kơno bơh Đài Bơta Ho Bal tòm Ephrat, bol he neh bàn gơtòm ƀlàng sre Jaar.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Mathiơ 1:6

Jese tơnggơs Dabit la bơtau. Dabit tơnggơs Salômôn bơh bau ùr Uria dê,

Mathiơ 2:1

Tòm tŭ neh deh Yàng Jesu tòm Betlehem lơgar Jude rau, tòm rài bơtau Herôt, gơs ală cau jak chài bơh đah mattơngai lik lòt tus hơ Jerusalem lùp lah:

Mathiơ 2:6

‘Ơ Betlehem, tòm ƀòn Juda dê! Ngan mê ò di dềt rlau jơh mơ ală ƀòn dờng lơgar Juda dê ò, Bơh dê mê rơp gơlik dô nă cau kwang dờng, La Bơtau rơp ê gàr làng bol Israel Añ jê.’”

Rutơ 1:2

Khai sơnđan la Elimelek, bau ùr khai sơnđan la Naômi, mơ bàr nă kòn klau khai dê sơnđan la Mahlôn mơ Kilaiôn. Bol khai la cau Ephrat ƀòn Betlehem, tòm Juda. Bol khai lòt tus hơ lơgar Môap mơ ơm tềng hơ̆.

Rutơ 4:17

Ală cau ùr gơp ƀòn đơs lah: “Naômi gơs dô nă kòn.” Mơ bol khai tơmoh sơnđan kòn dềt hơ̆ la Ôbet: Ôbet la bèp Jese, mơ la ồng Dabit dê.

Rutơ 4:22

Ôbet la bèp Jese mơ Jese la bèp Dabit.

I Samuel 1:1

Gơs dô nă cau tòm Ramathaim Juphit, bơh di kơnhwàl kơh mơnơm Epraim, gơs dô nă cau sơnđan la Elkana, kòn klau Jerôham, sau Helihu, se Tôhu, set Jup cau Epraim.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 17:11

Tòm tŭ Sol mơ jơh ală cau Israel kơno ală jơnau cau Philistin dê, gen bol khai gơdô nùs mơ rngòt ngan.

I Samuel 17:58

Sol lùp khai lah: “Ơ cau pơnu, mê la kòn ñcau taih?” Dabit ho lah: “Añ la kòn klau cau duh broă bơtau dê la Jese ơm tòm Betlehem.”