I Samuel 17:11 - Sră Goh 2018

¹¹ Tòm tŭ Sol mơ jơh ală cau Israel kơno ală jơnau cau Philistin dê, gen bol khai gơdô nùs mơ rngòt ngan.

I Samuel 17:11 ပူးပေါင်းရင်းမြစ်များ

Đơs Crih 118:6

Yàng Jehôwa ơm đah mơ añ, añ ò rngòt; Ñchi kòn mơnus rgơi lơh di añ taih?

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Yal Wơl 31:8

Să tòm Yàng Jehôwa rơp lòt di đap bol mê mơ rơp ơm bal mơ bol mê, Kơnràñ rơp ò tŭ lơi sang bol mê hala lòi bol mê. Bañ rngòt; bañ gơplơ̆ nùs.”

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

I Samuel 13:7

Gơs cau Hebrơ ƀà tiă hiòng Jordan mơ lòt tus hơ lơgar Gat mơ Galaat. Sol gam ơm tòm Gilgal mơ jơh mpồl ling jat khai rơm să rngòt ngan.

I Samuel 17:10

Cau Philistin đơs tai lah: “Ngai do añ đơs pơrlòng mơ ală mpồl ling Israel dê; sồr tĕ dô nă cau tus mơ añ nàng bol hi tòmlơh bal.”

I Samuel 17:12

Dabit la kòn klau dô nă cau Ephrat sơnđan la Jese, bơh ƀòn Betlehem tòm Juda. Jese gơs phàm nă kòn klau, mơ tòm pah rài Sol khai neh kra mơ jòng sơnam rau.

I Samuel 21:13

Behơ̆ khai lơh be cau ndai di đap bol hơ̆; khai lơh tànggơ kung be cau sơnrang, tòm tŭ khai ơm di đap bol khai. Khai cih hơđang ală mpồng ƀòn dờng mơ lòi dà diau gơhòr di sơnò tềp khai dê.

I Samuel 7:7

Tòm tŭ cau Philistin neh kơno la làng bol Israel neh pơjum tòm Mispa, gen ală cau kwang at bồ bol khai dê guh nàng tòmlơh mơ Israel. Mơ tòm tŭ Israel kơno bơta hơ̆ gen bol khai rngòt di cau Philistin.