I Samuel 16:5 - Sră Goh 2018

⁵ Samuel ho lah: “Ơi, tòm bơta lơngap lơngai. Añ tus nàng ơn phan duh khoai Yàng Jehôwa in; lơh tĕ sàng goh să tòm bol mê mơ añ tòm bơta ơn phan duh khoai.” Gen khai lơh sàng goh Jese mơ ală kòn klau khai dê mơ jà bol khai tus hơ bơta ơn phan duh khoai.

I Samuel 16:5 ပူးပေါင်းရင်းမြစ်များ

Sơnròp Gơlik Gơs 35:2

Gen Jakôp đơs mơ hìu nhă khai dê mơ jơh ală cau lòt bal mơ khai lah: “Tơlik sang tĕ ală yàng ndai bơh digùl ală bol mê, lơh bol mê in gơs sàng goh mơ bơsoh ào.

I Ală Bơtau 2:13

Gen Adônija kòn klau Hagit, neh lòt tus hơ Batseba, mè Salômôn dê. Batseba lùp khai lah: “Mê tus tòm bơta lơngap lơngai sơl?” Khai ho lah: “Ơi, lơngap lơngai.”

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Lik Ejiptơ 19:10

Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê,

Jôel 2:16

Pơjum tĕ làng bol, ơn is tĕ mpồl jơnum; jà tĕ ală cau kwang kra pơjum bal, pơjum tĕ ală kòn dềt, la ală kòn gam pô toh. Lòi cau bơrtơu pa lik bơh di ơdŭ khai dê, mơ cau ƀan pa lik bơh di ơdŭ bic khai dê.

Sôphôni 1:7

Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.

Khà Làng Bol 11:8

Làng bol lòt gùt dar mơ pơjum tơrgòm gơ, lồc behơ̆ piah. Tơnlề gơtòm dô nơm mpal hala mơ rnai piah kòi. Bol khai gơm gơtòm dô nơm glah hala lơh gơlik gơs be piang lă mơ sa gơ gơlơh kung be phan sa lơh mơ mơñà ôlibe.

I Kôrintô 11:28

Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.

Jôsue 3:5

Gen Jôsue đơs mơ làng bol lah: “Lơh tĕ să tòm bol mê in sàng goh, bơh ngai hìng Yàng Jehôwa rơp lơh ală bơta crih crài digùl bol mê.”

Jôsue 7:13

Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”

I Samuel 20:26

Sol ò đơs jơnau lơi tòm ngai hơ̆ bơh khai neh kơlôi lah: “Digơlan neh gơs bơta lơi gơlik tus di Dabit lơh khai in ò goh nàng pơjum sa, ngan la khai ò goh.”