I Samuel 16:18 - Sră Goh 2018

¹⁸ Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 16:18 ပူးပေါင်းရင်းမြစ်များ

Sơnròp Gơlik Gơs 39:2

Jôsep ơm tòm hìu cau tòm khai dê la cau Ejiptơ. Yàng Jehôwa ơm bal mơ khai, gen khai gơlik gơs cồng nha sùm.

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

II Samuel 14:20

Cau duh broă bơtau dê la Jôap neh lơh bơta do nàng tòmgơl bơta neh gơlik gơs. Cau tòm añ jê gơs bơta jak chài kung be cau gơnrơh Yàng Tom Trồ dê, git jơh ală bơta gơlik gơs tòm lơgar.”

II Samuel 17:10

Gen bulah cau khin cha rlau jơh, mơ gơs nùs be klìu triă kung rơp lề lac bơh rngòt; bơh jơh Israel git bèp ồng dê la dô nă cau jak tòmlơh, mơ ală cau jat khai la cau khin cha.

II Samuel 17:8

Ồng git bèp ồng mơ ală cau jat khai la ală cau ling jak tòmlơh, gơs nùs gơhào khuh ò gơkrơi kung be dô nơm jơgơu me tòm brê neh cau kup kòn gơ dê. Rlau mơ hơ̆ tai, bèp ồng la dô nă cau git làm tòm bơta tòmlơh, khai rơp ò bic mang bal mơ mpồl ling.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.

I Samuel 16:12

Behơ̆ Jese sồr cau lòt hòi khai mơ lam khai mut tòm hìu. Muh mat khai gơlơh dum dum, rùp să khai dê sền niam mơ hàng mơnĕ. Gen Yàng Jehôwa đơs lah: “Ñă tĕ bong mơñà khai in. Khai la cau Añ sac rwah.”

I Samuel 16:17

Behơ̆ Sol đơs mơ ală cau duh broă khai dê lah: “Jòi tĕ dô nă cau chài rơs kơñi, mơ lam khai tus hơ añ.”

I Samuel 16:19

Gen Sol sồr ală cau kong sồr lòt tus mơ Jese mơ đơs lah: “Sồr kòn klau mê dê la Dabit, cau ê belàt lòt tus hơ añ.”

I Samuel 17:12

Dabit la kòn klau dô nă cau Ephrat sơnđan la Jese, bơh ƀòn Betlehem tòm Juda. Jese gơs phàm nă kòn klau, mơ tòm pah rài Sol khai neh kra mơ jòng sơnam rau.

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.