I Samuel 16:14 - Sră Goh 2018

¹⁴ Tŭ hơ̆ hwềng Yàng Jehôwa dê neh sang lòi Sol, mơ Yàng Jehôwa sồr dô nơm hwềng iơh lơh bòl glar di khai.

I Samuel 16:14 ပူးပေါင်းရင်းမြစ်များ

II Samuel 7:15

Mơya Añ rơp ò tă bơta kòñ gơboh kơ̆ dơn Añ jê bơh di khai, kung be Añ neh tă gơ bơh di Sol la cau Añ neh tă tơlik bơh di đap mê.

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

Đơs Crih 51:11

Dan bañ sang lòi añ bơh di đap Yàng, Kung bañ tă Hwềng Goh Yàng dê bơh di añ.

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!

Ală Kwang Cahrña 16:20

Gen cau ùr hơ̆ hòi lah: “Ơ Samsôn, cau Philistin brồ kup mê!” Samsôn kah rngal mơ đơs lah: “Añ rơp lik lòt be lài, mơ rtơs să khai lòt khat gơboh.” Mơya khai ò git la Yàng Jehôwa neh sang lòi khai.

Ală Kwang Cahrña 16:29

Gen Samsôn pò tê at bàr nơm jrong sơndră digùl hìu duh khoai. Khai ai jơh pràn chồl ală jrong hơ̆, tê ma chồl dô nơm mơ tê kiau chồl dô nơm.

Ală Kwang Cahrña 9:23

Yàng Tom Trồ sồr dô nơm hwềng iơh digùl Abimelek mơ cau Sicem; gen làng bol Sicem pơrlơ̆ dră di Abimelek.

I Samuel 11:6

Mơ Hwềng Yàng Tom Trồ dê mù hơđang Sol tòm gơnap gơnoar pràn, tòm tŭ khai kơno ală jơnau hơ̆, mơ khai gơhào gơjrañ duh ngan.

I Samuel 16:15

Ală cau duh broă Sol dê đơs mơ khai lah: “Do, Yàng Tom Trồ neh sồr dô nơm hwềng iơh lơh bòl glar di bơtau.

I Samuel 16:16

Dan bơtau bol hi dê sồr ală cau duh broă bơtau dê tềng do jòi dô nă cau chài rgơi rơs kơñi; tŭ lơi Yàng Tom Trồ sồr hwềng iơh tus hơđang bơtau, gen khai rơp rơs kơñi mơ bơtau rơp geh rài bơta bòl glar.”

I Samuel 16:23

Tŭ lơi hwềng iơh bơsak mơ Yàng Tom Trồ sồr tus hơđang Sol, gen Dabit ai kơñi pĕ gơ mơ tê khai dê, gen Sol geh rài bơta bòl glar, mơ geh niam rlau mơ hwềng iơh lik bơh di khai.

I Samuel 18:10

Ngai tơnơ̆, gơs dô nơm hwềng iơh bơh Yàng Tom Trồ sồr tus dô bă pràn kơldang ngan hơđang Sol. Khai ơm đơs is khai dê kung be cau sơnrang tòm hìu khai dê, Dabit pĕ kơñi be òs. Sol at tà tòm tê,

I Samuel 18:12

Sol rngòt di Dabit, tài bơh Yàng Jehôwa ơm bal mơ khai, mơ Kơnràñ neh sang lòi Sol.

I Samuel 28:15

Gen Samuel đơs mơ Sol lah: “Ñchi bơh tài mê lơh dơrcul añ mơ hòi añ guh taih?” Sol ho lah: “Añ ơm tòm bơta bòl glar dờng ngan. Bơh cau Philistin lơh kơlìn tòmlơh mơ añ, mơ Yàng Tom Trồ neh sang lòi añ mơ ò ho wơl añ in tai, bulah bơh ală cau gơnoar hwơr hala bơh ală bơta mpau. Behơ̆ añ neh hòi ồng nàng yal añ git ñchi añ pal lơh.”