I Samuel 16:13 - Sră Goh 2018

¹³ Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 16:13 ပူးပေါင်းရင်းမြစ်များ

II Samuel 12:7

Nathan đơs mơ Dabit lah: “Bơtau la cau hơ̆! Jehôwa Yàng Tom Trồ Israel dê neh đơs be do: ‘Añ neh bong mơñà mê in gơs bơtau Israel mơ neh dong tă mê klàs bơh di tê Sol.

II Samuel 2:4

Gen ală cau Juda lòt tus tòm Hebrôn, mơ tềng hơ̆ bol khai bong mơñà Dabit in lơh gơs bơtau at bồ hìu cau Juda. Tòm tŭ Dabit kơno yal lah ală cau tòm Jabes Galaat neh tơp ƀồc Sol,

II Samuel 23:1

Do la ală jơnau đơs lồi dut Dabit dê: “Jơnau đơs Dabit dê, kòn klau Jese, hơ̆ la jơnau đơs cau geh Yàng Tom Trồ yò tơngguh, cau geh bong mơñà bơh Yàng Tom Trồ Jakôp dê, cau jak đơs chò Israel dê.

II Samuel 5:3

Behơ̆ jơh ală cau kwang kra Israel neh tus mơ bơtau tòm Hebrôn; mơ bơtau Dabit lơh dô bơta ho bal mơ bol khai tòm Hebrôn di đap Yàng Jehôwa, mơ bol khai bong mơñà Dabit in lơh bơtau hơđang Israel.

II Ală Bơtau 9:6

Behơ̆, Jehu ñă mơ mut tòm dơlam hìu; cau pơnu tuh mơñà hơđang bồ khai, mơ đơs lah: “Jehôwa Yàng Tom Trồ Israel dê đơs be do: ‘Añ bong mơñà mê in lơh gơs bơtau hơđang Israel, la làng bol Yàng Jehôwa dê.

I Yal Yau 11:3

Behơ̆, jơh ală cau kwang kra Israel dê neh tus hơ bơtau tòm Hebrôn, mơ Dabit bơtào dô bơta ho bal mơ bol khai tòm Hebrôn di đap Yàng Jehôwa. Mơ bol khai bong mơñà Dabit in gơs bơtau hơđang Israel, jat be jơnau Yàng Jehôwa neh kơnòm di Samuel.

Đơs Crih 89:20

Añ neh jòi bàn Dabit la cau duh broă Añ jê, Mơ neh bong khai in mơ mơñà sàng goh Añ jê,

Đơs Crih 89:21

Nàng tê Añ rơp dong kòl khai, Mơ tơwòr tê Añ kung rơp ò geh tơmù khai.

Khà Làng Bol 11:17

Añ rơp mù tus mơ tòmbơhbơr mơ mê tềng hơ̆, mơ Añ rơp ai Hwềng neh ơm hơđang mê mơ ơn Hwềng hơ̆ hơđang bol khai. Bol khai rơp dong kòl mê àñ ơnòng kơnjơ̆ làng bol dê tồ mê rơp ò àñ ơnòng is mìng dô nă mê lơm.

Khà Làng Bol 27:18

Behơ̆ Yàng Jehôwa đơs mơ Môise lah: “Ai tĕ Jôsue kòn klau Nun, la cau gơs Hwềng Yàng ơm bal, mơ ơn tê mê dê hơđang khai.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.

Broă 13:22

Lồc behơ̆ Kơnràñ sang bơtau hơ̆, bơtào Dabit lơh gơs bơtau mơ đơs bơh khai lah: ‘Añ neh jòi bàn Dabit kòn Jese dê, la cau di nùs Añ; khai rơp lơh jat nùs kòñ Añ jê tòm jơh ală bơta.’

Hebrơ 1:9

Kơnràñ kòñ gơboh di bơta song ring, gơjrañ kơuềng di bơta ò jat bơta boh lam. Gen tàng Yàng Tom Trồ, la Yàng Tom Trồ Kơnràñ dê, neh bong mơñà Kơnràñ in mơ mơñà bơta hòn chò, Rlau mơ ală gơp bơyô Kơnràñ dê.”

Hebrơ 11:32

Ñchi añ kòñ đơs tai taih? Bơh dilah añ đơs bơh Gideôn, Barak, Samsôn, Jepthe, Dabit, Samuel mơ ală cau gơnoar hwơr, gen ò tơl tŭ.

Ală Kwang Cahrña 11:29

Gen Hwềng Yàng Jehôwa dê tus hơđang Jepthe. Khai lòt làm Galaat mơ Manase, tus hơ Mispa tòm Galaat, mơ bơh hơ̆ khai lòt tòmlơh mơ làng bol Ammôn.

Ală Kwang Cahrña 13:25

Hwềng Yàng Jehôwa dê rơp sơntòm chồl bơtrut tòm nùs khai tòm sàl Dan dê, digùl Jôra mơ Estaôl.

Ală Kwang Cahrña 14:6

Hwềng Yàng Jehôwa dê tus hơđang khai bềng gơnoar pràn tian gơs khai crè gơ mơ tê gòi kung be crè dô nơm be kòn behơ̆ sơl. Mơya khai ò yal mè bèp khai in ñchi bơta khai neh lơh.

Ală Kwang Cahrña 3:10

Hwềng Yàng Jehôwa dê tus hơđang khai, khai cahrña Israel; mơ khai lik lòt tòmlơh. Yàng Jehôwa jào Kusan Risathaim bơtau Aram tòm tê Ôtniel; mơ tê khai geh pha lin rlau.

I Samuel 1:19

Àng drim hìng, bol khai guh gòñ mơ duh khoai di đap Yàng Jehôwa, gen bol khai rê wơl hơ hìu bol khai dê tòm Ramathaim. Elkana ơm bal mơ bau khai la Anne, mơ Yàng Jehôwa kah wơl Anne.

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 10:6

Gen Hwềng Yàng Jehôwa dê rơp mù hơđang mê, mơ mê rơp đơs hwơr bal mơ bol khai; mơ mê rơp geh tòmgơl gơlik gơs dô nă cau ndai.

I Samuel 11:6

Mơ Hwềng Yàng Tom Trồ dê mù hơđang Sol tòm gơnap gơnoar pràn, tòm tŭ khai kơno ală jơnau hơ̆, mơ khai gơhào gơjrañ duh ngan.

I Samuel 16:18

Dô nă cau tòm mpồl cau duh broă ho lah: “Añ neh gŏ dô nă kòn klau Jese cau Betlehem git rơs kơñi. Khai la dô nă cau khin cha mơ la dô nă cau ling jak tòmlơh, git kơrhia tòm jơnau đơs, niam klau, mơ Yàng Jehôwa ơm bal mơ khai.”

I Samuel 18:12

Sol rngòt di Dabit, tài bơh Yàng Jehôwa ơm bal mơ khai, mơ Kơnràñ neh sang lòi Sol.

I Samuel 2:35

Añ rơp bơtào tơngguh Añ in dô nă cau gơnoar ơn phan duh khoai dòn song, khai rơp lơh ală bơta jat nùs mơ bơta kơlôi Añ jê. Añ rơp bơtào kơ̆ hìu khai dê, mơ khai rơp duh broă di đap cau geh bong mơñà Añ jê sùm sùm.