I Samuel 15:35 - Sră Goh 2018

³⁵ Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.

I Samuel 15:35 ပူးပေါင်းရင်းမြစ်များ

Sơnròp Gơlik Gơs 6:6

Gen Yàng Jehôwa tòmgơl nùs Kơnràñ neh crơng gơs kòn mơnus hơđang ù mơ moat jrùng tòm nùs.

II Samuel 6:23

Mơ Mikal kòn ùr Sol dê ò deh kòn jơl tus di ngai khai chơt.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 119:158

Añ sền di cau ò dòn, mơ cù kìr di bol khai, Tài bơh bol khai ò prap gàr bơta sồr lam Yàng dê.

Philip 3:18

Bơh añ òs đơs bơta do oh mi in, tòm tŭ do añ ñìm mơ đơs tai lah oă cau lơh lòt kung be cau sò tơm di chi pơng Bơtau Krist dê.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 19:24

Khai hồ ală ào khai dê mơ đơs hwơr di đap Samuel, khai bic kuh behơ̆ jơh dô ngai mơ dô mang hơ̆. Gen tàng làng bol đơs lah: “Sol kung ơm tòm mpồl ală cau gơnoar hwơr sơl ơ?”