I Samuel 15:33 - Sră Goh 2018

³³ Mơya Samuel đơs lah: “Kung be đào mê dê neh lơh ală cau ùr ò gam kòn, Behơ̆, mè mê kung rơp ò gam kòn digùl ală cau ùr sơl.” Gen Samuel tơnchơt Agak di đap Yàng Jehôwa tòm Gilgal.

I Samuel 15:33 ပူးပေါင်းရင်းမြစ်များ

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

I Ală Bơtau 18:40

Eli đơs mơ bol khai lah: “Kup tĕ jơh ală cau gơnoar hwơr Baal dê, bañ lòi klàs dô nă lơi.” Gen cau Israel kup bol khai, Eli cèng bol khai mù hơ croh Kisôn, mơ tơnchơt bol khai tềng hơ̆.

Lik Ejiptơ 17:11

Môise pò tê hơđang jŏ kàr lơi gen cau Israel geh pha rlau kàr hơ̆; mơya tŭ lơi khai tơmù tê hơđơm, gen cau Amalek geh pha rlau.

Lik Ejiptơ 21:24

ai mat tơm mat, ai sề tơm sề, ai tê tơm tê, ai jơng tơm jơng,

Esai 34:6

Yàng Jehôwa gơs dô nơm đào; gơ neh hòm bơh mhàm, neh sa hòm bơh dơngi, mhàm ală belàt kòn mơ ală be, dơngi leh ală belàt dam dê. Bơh Yàng Jehôwa gơs phan ơn pơdơng tòm Bôjra, mơ gơs bơta hàl tơnchơt dờng tòm ù tiah Edôm.

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 48:10

Pal srat sơntơm cau lơi lơh broă Yàng Jehôwa dô bă ma blac! Pal srat sơntơm cau lơi ò prap đào he bơh lơh gơtuh mhàm!

Sră Ôse 6:5

Behơ̆ tàng Añ neh ngui ală cau gơnoar hwơr Añ jê kơl bol mê, Añ neh tơnchơt bol mê bơh jơnau đơs bơr Añ jê; ală bơta cahrña Añ jê rơp lik be bơta àng;

Khà Làng Bol 14:45

Gen cau Amalek mơ cau Kanaan ơm tòm tiah kơh mơnơm mù brồ lơh bol khai mơ pha rlau mơ bol khai tus di Horma.

Mathiơ 7:2

Bơh bol mê cahrña cau ndai be lơi, gen cau kung rơp cahrña di bol mê behơ̆ sơl; mơ bol mê was cau in mơ rnoas lơi, gen cau kung was wơl bol mê in mơ rnoas hơ̆.

Jakơ 2:13

Bơh bơta cahrña ò kòñ nđàc di cau ò gơs bơta kòñ nđàc, mơya bơta kòñ nđàc pha rlau mơ bơta cahrña.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Yal Tơlik 18:6

Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.

Ală Kwang Cahrña 1:7

Gen Adôni Bejek đơs lah: “Poh jơt nă cau bơtau neh kong koh jơh ràs tê me mơ ràs jơng me, dòñ sa phan hơđơm cơnòng añ jê, Yàng Tom Trồ neh sal wơl bơta añ neh lơh.” Bol khai lam bơtau hơ̆ tus hơ Jerusalem mơ khai chơt tềng hơ̆.

I Samuel 10:8

Mơ mê mù tĕ hơ Gilgal lài mơ añ; gen añ rơp mù tus mơ mê nàng ơn ală phan ơn chu pơrguc bal mơ ală phan ơn duh khoai ring lơngai, mơya mê pal gơn tòm poh ngai, jơl tus di tŭ añ tus hơ mê mơ sơnio mê in bơta mê pal lơh.”

I Samuel 15:32

Gen Samuel đơs lah: “Cèng tĕ Agak bơtau cau Amalek tus hơ añ tềng do.” Agak hòn chò lòt tus hơ khai, mơ kơlôi lah; “Di ngan do la bơta sràt bơtang bơta chơt dê neh rlau rau.”