I Samuel 14:6 - Sră Goh 2018

⁶ Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 14:6 ပူးပေါင်းရင်းမြစ်များ

II Samuel 1:20

Bañ yal jơnau do tòm Gat, bañ yal jơnau hơ̆ tòm ală gùng Askalôn dê, rngòt ală kòn ùr cau Philistin dê chò hòp, rngòt ală kòn ùr cau ò kong siat gơltau dê hòn chò.

II Samuel 16:12

Digơlan Yàng Jehôwa rơp wèt sền bơta rung rài añ jê mơ tơm wơl añ in bơta niam ala bơta srat rma mơ añ kong tòm ngai do.”

II Ală Bơtau 19:4

Digơlan Jehôwa Yàng Tom Trồ ồng neh kơno ală jơnau Rapsake, mơ bơtau Asiri, cau tòm khai, neh sồr khai tus srat rma Yàng Tom Trồ kis gam sùm sùm, mơ Jehôwa Yàng Tom Trồ ồng rơp lơh glài ală jơnau Kơnràñ neh kơno. Behơ̆, dan hòi dan tĕ ala ală cau gam kis in.’”

II Yal Yau 14:10

Asa lik lòt tòmlơh mơ khai, mơ bol khai rơndap tiah tòmlơh tòm thòng Jephatha rềp Maresa.

II Yal Yau 14:11

Asa hòi dan mơ Jehôwa Yàng Tom Trồ khai dê lah: “Ơ Yàng Jehôwa, ò gơs bơta lơi kalke Kơnràñ in, Kơnràñ rgơi dong cau lơbơn òsô tòmdră mơ cau gơnoar pràn. Ơ Jehôwa Yàng Tom Trồ bol hi dê, dan dong kòl bol hi bơh bol hi dòn kơnòm di Kơnràñ, mơ tòm sơnđan Kơnràñ dê bol hi neh lòt tus tòmdră mơ mpồl ling gal ngan do. Ơ Yàng Jehôwa, Kơnràñ la Yàng Tom Trồ bol hi dê; ò gơs kòn mơnus lơi rgơi tòmdră mơ Kơnràñ.”

Đơs Crih 135:6

Bơta lơi niam nùs Yàng Jehôwa gen Kơnràñ lơh bơta hơ̆, Hơđang trồ hala tòm ù, tòm dàlềng hala tòm ală tiah jrô.

Jeremi 9:23

Yàng Jehôwa đơs be do: “Cau jak bañ jòng să bơh bơta jak chài bol khai dê; Cau pràn bañ jòng să bơh bơta pràn bol khai dê; Cau pas bañ jòng să bơh bơta pas bol khai dê.

Jeremi 9:25

Yàng Jehôwa đơs: “Nền cê ngan, ngai rơp tus, tòm tŭ Añ rơp lơh glài kòp nă cau geh siat gơltau đah bơdìh:

Jeremi 9:26

hơ̆ la Ejiptơ, Juda, Edôm, kòn sau Ammôn, Môap, mơ jơh ală cau koah sŏ di gah tồr mơ ơm tòm ƀlàng bràs. Bơh jơh ală làng bol do ò kong siat gơltau, mơ jơh hìu Israel neh ò siat gơltau tòm nùs.”

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 10:32

Dilah bi lòt bal mơ bol hi gen bol hi rơp tòmpà bi in ală bơta niam lơi mơ Yàng Jehôwa rơp ai bol hi in.”

Khà Làng Bol 31:4

Sồr dô rbô nă cau klau bơh di kòp jơi bơtiàn Israel nàng lik lòt tòmlơh.”

Mathiơ 19:26

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Jôsue 14:12

Behơ̆, ai tĕ añ in tiah kơh mơnơm do mơ Yàng Jehôwa neh ho mơ añ tòm ngai hơ̆; bơh ồng neh kơno tòm ngai hơ̆ mbe cau Anakim neh ơm tềng hơ̆ mơ ală ƀòn dờng kơ̆ cê bol khai dê, hơ̆ digơlan Yàng Jehôwa neh ơm bal mơ añ, mơ añ rơp bơtrơh tơlik bol khai, be Yàng Jehôwa neh đơs.”

Ală Kwang Cahrña 15:18

Tơnơ̆ hơ̆ Samsôn tơhìr dà oă ngan, gen khai rac dan mơ Yàng Jehôwa mơ đơs lah: “Yàng neh ai cau dĭ gơna Kơnràñ in bơta pha lin dờng do, mơ tŭ do añ pal kong chơt tơhìr mơ dùh tòm tê ală cau ò kong siat gơltau sơl ơ?”

I Samuel 14:5

Dô nơm cìr gơ ơm đah đang wèt hơ Mikmas, dô nơm ne gơ ơm đah đơm wèt hơ Geba.

I Samuel 14:7

Cau ling àñ phan tòmlơh khai dê đơs lah: “Lơh tĕ jơh ală bơta jat be ồng kơlôi kòñ, añ ơm bal mơ ồng; bơta kơlôi sơnơng ồng dê la bơta kơlôi sơnơng añ jê sơl.”

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.

I Samuel 17:46

Ngai do Yàng Jehôwa rơp jào mê tòm tê añ, añ rơp lơh mê gơpừ di tiah mơ koh bồ mê. Ngai do añ rơp ai ƀồc mpồl ling cau Philistin dê ală sềm hơđang trồ in mơ ală phan poan jơng tòm ù in; mơ jơh lơgar dunnia rơp git lah gơs dô nă Yàng Tom Trồ tòm Israel.

I Samuel 17:47

Jơh ală mpồl ling neh pơjum tềng do rơp git lah Yàng Jehôwa ò ngui đào mơ tà nàng dong tă; tài bơh bơta tòmlơh do la tòmlơh mơ Yàng Jehôwa, mơ Kơnràñ rơp jào jơh tơl nă bol mê tòm tê bol hi dê.”

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.