I Samuel 14:50 - Sră Goh 2018

⁵⁰ Bau ùr Sol dê sơnđan la Ahinôam kòn ùr Ahimas. Sơnđan cau at bồ mpồl ling khai dê la Apner kòn klau Ner la wa Sol dê.

I Samuel 14:50 ပူးပေါင်းရင်းမြစ်များ

II Samuel 2:8

Mơya Apner kòn klau Ner, cau kwang at bồ mpồl ling Sol dê, kup Isbôset kòn klau Sol dê mơ cèng khai tus hơ Mahanaim.

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:38

Gen bơtau đơs mơ ală cau duh broă lah: “Bol mê ò git la dô nă cau kwang dờng, mơ dô nă cau dờng màng tòm Israel neh chơt tòm ngai do sơl?

II Samuel 3:6

Tòm tŭ neh gơs bơta tòmlơh digùl hìu Sol mơ hìu Dabit, gen Apner neh lơh să tòm khai dê pràn kơldang tòm hìu Sol.

I Yal Yau 26:28

Mơ jơh ală phan neh ơn bơh Samuel cau gơnoar hwơr, bơh Sol kòn klau Kis, Apner kòn klau Ner mơ Jôap kòn klau Jeruya, mơ jơh ală phan ndai neh ơn gen geh sền gàr bơh Selômit mơ ală cau gơp bơtiàn khai dê.

I Yal Yau 27:21

Ikdô kòn klau Sacari at bồ nggùl jơi bơtiàn Manase tòm Galaat; Jaasiel kòn klau Apner at bồ Benjamin;

I Samuel 10:14

Gen wa Sol dê lùp khai mơ cau duh broă khai dê lah: “Ntềng đah bol mê neh lòt taih?” Khai ho lah: “Lòt jòi alàng, mơya tòm tŭ bol hi jòi bol gơ ò bàn gen bol hi lòt tus hơ Samuel.”

I Samuel 17:55

Tòm tŭ Sol sền gŏ Dabit lik lòt tòmlơh mơ cau Philistin hơ̆ gen khai lùp Apner la cau kwang at bồ mpồl ling lah: “Ơ Apner, cau pơnu hơ̆ la kòn ñcau taih?” Apner ho lah: “Ơ cau bơtau, di ngan kung be bơtau kis, añ ò git.”

I Samuel 26:5

Gen Dabit lik lòt tus hơ tiah Sol neh bơtào sàl; mơ Dabit neh gŏ tiah Sol ơm bic bal mơ Apner kòn klau Ner, cau at bồ mpồl ling. Sol ơm bic tòm dơlam sàl, tòm tŭ mpồl ling sơntơp sàl gùt dar khai.