I Samuel 14:39 - Sră Goh 2018

³⁹ Di ngan kung be Yàng Jehôwa la Bơtau kis mơ dong tă Israel, bulah kòn klau añ jê la cau tìs glài hơ̆ gen khai kung pal kong chơt.” Mơya ò gơs dô nă cau lơi đơs dô jơnau lơi.

I Samuel 14:39 ပူးပေါင်းရင်းမြစ်များ

II Samuel 12:5

Dabit gơhào gơjrañ ngan di cau hơ̆, mơ đơs mơ Nathan lah: “Di ngan kung be Yàng Jehôwa kis, cau neh lơh bơta hơ̆ pal kong chơt!

II Samuel 14:21

Gen bơtau đơs mơ Jôap lah: “Di rau, añ rơp lơh bơta do, lòt tĕ cèng brê cau pơnu Apsalôm.”

Cau Bơto 9:2

Jơh ală bơta gơlik tus rài kis cau in ndròm bal: cau song ring hala cau iơh bơsak, cau lơbơn niam mơ cau iơh, cau goh mơ cau ò goh, cau ơn phan ơn duh khoai hala cau ò ơn, cau niam kung be cau gơs glài, cau srat să kung be cau pleh bơh jơnau srat să.

I Samuel 14:24

Tŭ hơ̆ Sol gơtup tìs lơh dô nơm broă mhar ir tòm ngai hơ̆, khai neh ơn dô jơnau srat să hơđang mpồl ling, mơ đơs lah: “Pal srat sơntơm di cau lơi sa phan lơi lài mơ tŭ trồ mho mơ lài mơ tŭ añ sal tê hơđang cau sò tơm añ jê.” Behơ̆ ò gơs dô nă cau tòm mpồl ling liap phan lơi.

I Samuel 14:40

Gen Sol đơs mơ jơh ală cau Israel lah: “Dan bol mê ntào tềng hơ̆, añ mơ Jônathan kòn klau añ rơp ntào tềng do.” Ală cau ho wơl: “Lơh tĕ bơta lơi ồng sền la niam.”

I Samuel 14:44

Sol đơs lah: “Ơ Jônathan, dilah mê ò chơt gen dan Yàng Tom Trồ lơh añ dô bă kơnjơ̆ rlau jơh!”

I Samuel 19:6

Sol iat jơnau Jônathan mơ srat să ho lah: “Di ngan kung be Yàng Jehôwa kis sùm, Dabit rơp ò kong tơnchơt.”

I Samuel 20:31

Bơh nđò jŏ kòn klau Jese gam kis tòm ù do kàr lơi gen mê bal mơ gơnoar at bồ lơgar mê dê kung ò geh bơtào kơ̆. Behơ̆ sồr tĕ cau cèng khai tus hơ añ, bơh khai pal chơt!”

I Samuel 22:16

Mơya cau bơtau đơs lah: “Ơ Ahimelek, ngan mê rơp chơt, mê bal mơ jơh ală cau tòm hìu nhă bèp mê dê.”

I Samuel 28:10

Sol srat să mơ khai ai sơnđan Yàng Jehôwa mơ lah: “Di ngan kung be Yàng Jehôwa kis sùm, ai rơp ò kòl lơh glài bơh bơta hơ̆.”