I Samuel 14:38 - Sră Goh 2018

³⁸ Gen tàng Sol đơs lah: “Tus tĕ tềng do, jơh tơl nă bol mê la cau at bồ mpồl ling, mơ bol he sơwì tĕ nàng git tồi glài lơi neh tìs tòm ngai do.

I Samuel 14:38 ပူးပေါင်းရင်းမြစ်များ

II Samuel 18:3

Mơya bol khai đơs lah: “Bơtau ò pal lik lòt; bơh dilah bol hi ntoat dô, bol khai rơp ò kơlôi dờng màng di bol hi; dilah nggùl tòm mpồl bol hi kong tơnchơt, bol khai kung ò sền dờng màng di bol hi. Mơya bơtau la kas màng kung be jơt rbô nă tòm bol hi. Gen tàng niam rlau bơtau ơm tòm ƀòn dờng, rcang nàng dong kòl bol hi.”

Đơs Crih 47:9

Ală cau ryŭ ryơm ală làng bol dê pơjum bal Mơ làng bol Yàng Tom Trồ Abraham dê. Bơh ală khèl plai ù dê la bal mơ Yàng Tom Trồ; Kơnràñ geh bơtào hơđang jơnhoa ngan!

Sacari 10:4

Bơh di Juda rơp tus lŭ mum hìu, bơh di khai rơp gơs jơrmơng sơntơp sàl, bơh di khai rơp gơs àtak tòmlơh, bơh di khai rơp gơs jơh ală cau at bồ.

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.

Mathiơ 21:42

Yàng Jesu đơs mơ bol khai lah: “Bol mê òhềt sền tòm Sră Goh lah: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu. Bơta hơ̆ la bơh Yàng lơh gơs, Mơ la dô bơta crih crài di đap mat bol he’ ơ?

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.

Jôsue 7:12

Gen tàng làng bol Israel ò rgơi ntào tòmdră di đap cau sò tơm bol khai dê. Bol khai wèt ngkòi di đap ală cau sò tơm bol khai dê, tài bơh bol khai neh gơlik gơs phan pal phi ơn nàng tơnroh să tòm bol khai dê. Añ rơp ò ơm bal mơ bol mê tai, dilah bol mê ò tơnroh phan pal phi ơn hơ̆ bơh digùl bol mê.

Ală Kwang Cahrña 20:2

Ală cau kwang at bồ jơh làng bol tòm jơh ală jơi bơtiàn Israel, tơlik mat bol khai tòm mpồl jơnum làng bol Yàng Tom Trồ dê; poan rhiang rbô ling lòt jơng at đào.