I Samuel 14:36 - Sră Goh 2018

³⁶ Sol đơs lah: “Bol he lòt lă mù jat bơh ngkòi cau Philistin tòm trồ mang mơ phà tòmpìt bol khai jơl rìng àng, mơ bol he bañ lòi dô nă cau lơi tòm bol khai gam kis.” Bol khai ho lah: “Lơh tĕ bơta lơi ồng sền la niam.” Mơya cau gơnoar ơn phan duh khoai đơs lah: “Bol he hòi lùp tĕ Yàng Tom Trồ tềng do.”

I Samuel 14:36 ပူးပေါင်းရင်းမြစ်များ

Đơs Crih 73:28

Mơya đah mơ añ, niam añ in ơm rềp mơ Yàng Tom Trồ; Añ neh bơtào Yàng Jehôwa la tiah kìng crŭ añ jê, Nàng añ yal wơl bơh jơh ală broă Kơnràñ dê.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Jeremi 6:5

Guh, mơ bol he brồ lơh tòm tŭ trồ mang, mơ tơnroh gơlang gơ dê!”

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Khà Làng Bol 27:21

Khai pal ntào di đap Eleajar cau gơnoar ơn phan duh khoai, la cau rơp dòp geh jơnau lơh nền bơh khai kơnòm di bơta hòi lùp Urim di đap Yàng Jehôwa. Jat jơnau gơnoar sồr khai dê mơ khai mơ jơh dô mpồl jơnum làng bol cau Israel dê rơp lik lòt, mơ kung jat jơnau gơnoar sồr khai dê mơ bol khai rơp mut wơl.”

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.

Jôsue 10:19

Mơya bol mê bañ ơm wơl! Ting jat tĕ cau sò tơm, brồ lơh bơh tơnơ̆ bol khai, mơ bañ lòi bol khai mut tòm ală ƀòn dờng bol khai dê; bơh Jehôwa Yàng Tom Trồ bol mê dê neh jào phi bol khai tòm tê bol mê.”

Jôsue 11:14

Ală phan tòmpìt geh bal mơ jơh ală phan poan jơng ală ƀòn hơ̆ di cau Israel lơh gơs phà kup bol khai dê; mơya jơh ală làng bol, gen bol khai tơnchơt mơ đào, ò lòi dô nơm phan tă nhơm lơi gam kis.

I Samuel 1:23

Elkana bau klau khai đơs mơ khai lah: “Lơh tĕ bơta lơi ai kơlôi la niam rlau jơh ai in, tus di tŭ ai lòi pô khai; mìng dan Yàng Jehôwa lơh gơlik di ngan jơnau đơs Kơnràñ dê.” Behơ̆ cau ùr ơm wơl tòm hìu mơ ròng kòn klau jơl tus di tŭ khai sang pô.

I Samuel 11:11

Ngai tơnơ̆ Sol cah làng bol gơs pe mpồl, mơ di di jơ drơng àng drim, bol khai mut tòm sàl mơ tơnchơt cau Ammôn jơl tus di tŭ duh tơngai. Ală cau gam kis tòm bol khai gen gơprah gơpring tian gơs ò gam bàr nă dô bă bal.

I Samuel 14:3

Tòm hơ̆ kung gơs dô nă cau soh ephot sơnđan la Ahija kòn klau Ahitup bi klau Ikabôt, la kòn klau Phineas, sau Heli, cau gơnoar ơn phan duh khoai Yàng Jehôwa dê tòm Silô. Ò gơs cau lơi git la Jônathan neh lik lòt.