I Samuel 14:25 - Sră Goh 2018

²⁵ Jơh dô mpồl ling mut tòm brê, mơ tềng hơ̆ gơs dà lơwe hơđang ù.

I Samuel 14:25 ပူးပေါင်းရင်းမြစ်များ

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Jơnau Pơnđik 25:16

Dilah kòn jòi bàn dà lơwe, sa tĕ dimơ, rngòt tŭ sa hòm dil, kòn gơbruh hă.

Khà Làng Bol 13:27

Bol khai yal wơl Môise in lah: “Bol hi neh lòt mut tòm lơgar mơ ală ồng neh sồr bol hi lòt rwang sền, mơ hơ̆ la dô nơm lơgar bềng lìu dà toh mơ dà lơwe! Do la ală plai lơgar hơ̆ dê.

Yal Wơl 9:28

Dilah ò behơ̆, lơgar mơ bơh tềng hơ̆ Kơnràñ neh tă cèng bol hi rơp đơs lah: “Tài bơh Yàng Jehôwa ò rgơi cèng bol khai mut tòm lơgar Kơnràñ neh ho ai bol khai in, mơ tài bơh Kơnràñ gơjrañ kơuềng di bol khai gen Kơnràñ neh cèng bol khai nàng tơnchơt bol khai tòm ƀlàng ngềt ngơt.”

Ală Kwang Cahrña 14:9

Khai ai tê kơndrồp dà lơwe hơ̆ mơ sa ndang lòt ndang. Tòm tŭ khai tus mơ mè bèp khai gen khai ai dô êt, mơ bol hơ̆ kung sa sơl. Mơya khai ò yal bol hơ̆ in la khai neh tă dà lơwe hơ̆ bơh di ƀồc klìu triă.

I Samuel 14:24

Tŭ hơ̆ Sol gơtup tìs lơh dô nơm broă mhar ir tòm ngai hơ̆, khai neh ơn dô jơnau srat să hơđang mpồl ling, mơ đơs lah: “Pal srat sơntơm di cau lơi sa phan lơi lài mơ tŭ trồ mho mơ lài mơ tŭ añ sal tê hơđang cau sò tơm añ jê.” Behơ̆ ò gơs dô nă cau tòm mpồl ling liap phan lơi.

I Samuel 14:26

Tòm tŭ bol khai neh mut tòm brê, bol khai gŏ dà lơwe gơhòr lik, mơya ò gơs cau lơi khin sa tài bơh bol khai rngòt di jơnau srat să.