I Samuel 14:24 - Sră Goh 2018

²⁴ Tŭ hơ̆ Sol gơtup tìs lơh dô nơm broă mhar ir tòm ngai hơ̆, khai neh ơn dô jơnau srat să hơđang mpồl ling, mơ đơs lah: “Pal srat sơntơm di cau lơi sa phan lơi lài mơ tŭ trồ mho mơ lài mơ tŭ añ sal tê hơđang cau sò tơm añ jê.” Behơ̆ ò gơs dô nă cau tòm mpồl ling liap phan lơi.

I Samuel 14:24 ပူးပေါင်းရင်းမြစ်များ

Đơs Crih 18:47

Hơ̆ la Yàng Tom Trồ Bơtau sal tê añ in, Mơ lơh ală làng bol in dòn duh añ.

Jơnau Pơnđik 11:9

Cau ò duh rngòt ai jơnau đơs mơ lơh roh gơprah cau ơm rềp mơ khai; Mơya kơnòm di bơta git wă ală cau song ring geh dong klàs.

Lebi 27:29

Ò gơs cau lơi neh ơn jào bơta tơnroh in rgơi geh tơwài wơl; bol khai pal kong tơnchơt.

Lebi 5:4

Dilah dô nă cau ò git kơrhia tòm bơta srat să ho nền nàng lơh dô bơta lơi, bulah la bơta niam hala iơh, tòm tŭ git bơta lơi mơ khai srat să ho nền dô bă ò git kơrhia, bulah khai ò git đal bơh bơta hơ̆, tòm tŭ khai git bơh bơta hơ̆ rau gen khai gơkòl kòp la neh tìs glài.

Khà Làng Bol 21:2

Gen Israel srat să ho nền jơnau do mơ Yàng Jehôwa: “Dilah Kơnràñ jào làng bol do tòm tê bol hi, bol hi rơp tơnroh jơh hir ală ƀòn dờng bol khai dê.”

Khà Làng Bol 5:21

(lòi cau gơnoar hwơr hơ̆ kup cau ùr hơ̆ pal srat sơntơm să) mơ đơs mơ cau ùr hơ̆ lah: “Dan Yàng Jehôwa lơh làng bol ai dê srat sơntơm mơ lơh nền glài ai, Yàng Jehôwa lơh hìu kòn ai gơrung ồm mơ kơndul ai dê as pŭ.

Rôma 10:2

Bơh añ lơh cơng bơh bol khai lah bol khai gơs nùs ngac ngar bơh Yàng Tom Trồ, mơya ò di jat mơnàng bơta git jak ngan.

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

Jôsue 6:26

Gen Jôsue đơs jơnau srat sơntơm lah: “Cau lơi bơt bơtào wơl ƀòn dờng Jerikô do gen rơp kòl srat sơntơm di đap Yàng Jehôwa. Kòn tơnhoa khai dê pal chơt, tŭ khai bơt ală mơnàng gơ dê; kòn put khai pal chơt, tŭ khai bơtào ală mpồng ƀòn gơ dê.”

Ală Kwang Cahrña 1:28

Tòm tŭ Israel gơlik pràn kơldang, gen bol khai kup làng bol Kanaan duh broă, mơya ò tŭ lơi ting bơtrơh jơh bol khai.

Ală Kwang Cahrña 5:2

“Jòng ro Yàng Jehôwa! Tòm tŭ ală cau kwang at bồ tòm Israel lam mpồl ling lòt tòmlơh, tòm tŭ làng bol chò nùs ơn să bol khai dê.

I Samuel 14:25

Jơh dô mpồl ling mut tòm brê, mơ tềng hơ̆ gơs dà lơwe hơđang ù.

I Samuel 14:39

Di ngan kung be Yàng Jehôwa la Bơtau kis mơ dong tă Israel, bulah kòn klau añ jê la cau tìs glài hơ̆ gen khai kung pal kong chơt.” Mơya ò gơs dô nă cau lơi đơs dô jơnau lơi.

I Samuel 18:25

Gen Sol ho lah: “Bol mê đơs tĕ mơ Dabit be do: ‘Bơtau ò kòñ phan kơt bau lơi rlau mơ dô rhiang pet gơltau cau Philistin dê nàng khai sal tê di cau sò tơm bơtau dê.’” Hơ̆ la kai gơrmơ̆i Sol dê nàng Dabit gơkòl chơt tòm tê cau Philistin dê.