I Samuel 13:4 - Sră Goh 2018

⁴ Behơ̆ jơh Israel neh kơno jơnau yal lah: “Sol neh brồ lơh dô nơm theng mpồl ling Philistin dê, mơ tŭ do cau Israel neh gơlik gơs cù kìr di đap cau Philistin.” Mơ làng bol geh hòi pơjum bal mơ Sol tòm Gilgal.

I Samuel 13:4 ပူးပေါင်းရင်းမြစ်များ

Sơnròp Gơlik Gơs 34:30

Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.”

Sơnròp Gơlik Gơs 46:34

gen yal tĕ: ‘Ală cau dĭ kơnràñ dê bal mơ mò pàng bol hi dê neh ròng phan poan jơng bơh kơnòm jơl tus di ngai do.’ Nàng oh mi in geh ơm wơl tòm tiah Gôsen, tài bơh jơh ală cau ê belàt la ngkòr ngkàc di đap làng bol Ejiptơ.”

II Samuel 10:6

Tòm tŭ cau Ammôn gŏ bol khai neh gơlik gơs bơta cù kìr gơwèt mơ Dabit, gen cau Ammôn sồr cau lòt ơpah cau Aram tòm Bet Rehôp mơ Jôba bàr jơt rbô ling lòt jơng, kung bơh bơtau Maaka dô rbô nă, bơh lơgar Top jơt bàr rbô nă.

Lik Ejiptơ 5:21

gen bol khai đơs lah: “Dan Yàng Jehôwa sền sơwì ală ồng mơ cahrña ală ồng! Ală ồng neh lơh bol hi in gơlik gơs kung be bơta ƀô ồm di đap mat Pharaôn mơ ală cau duh broă khai dê, mơ ơn đào tòm tê bol khai nàng tơnchơt bol hi.”

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Jôsue 5:9

Tŭ hơ̆ Yàng Jehôwa đơs mơ Jôsue lah: “Ngai do Añ neh tă tơlik bơh di bol mê bơta ƀàssìl lơgar Ejiptơ dê.” Gen tàng cau sơnđan tiah hơ̆ la Gilgal jơl tus di ngai do.

I Samuel 10:8

Mơ mê mù tĕ hơ Gilgal lài mơ añ; gen añ rơp mù tus mơ mê nàng ơn ală phan ơn chu pơrguc bal mơ ală phan ơn duh khoai ring lơngai, mơya mê pal gơn tòm poh ngai, jơl tus di tŭ añ tus hơ mê mơ sơnio mê in bơta mê pal lơh.”

I Samuel 27:12

Akis dòn kơnòm di Dabit, mơ khai kơlôi is lah: “Khai neh lơh să tòm khai gơlik gơs cù kìr di đap làng bol khai dê la Israel, gen tàng khai rơp lơh gơs cau duh broă añ jê sùm sùm.”