I Samuel 13:13 - Sră Goh 2018

¹³ Samuel đơs mơ Sol lah: “Mê neh lơh dô bă bơrngơl gơla. Mê ò lơh jat jơnau Jehôwa Yàng Tom Trồ neh sồr mê, dilah mê neh lơh jat gen Kơnràñ neh bơt bơtào kơ̆ gơnoar at bồ mê dê hơđang Israel jơl sùm sùm.

I Samuel 13:13 ပူးပေါင်းရင်းမြစ်များ

Sơnròp Gơlik Gơs 31:28

Ñchi bơh tài mê bơrngơl behơ̆ taih? Ò ai añ in cum kòn klau mơ kòn ùr añ.

II Samuel 24:10

Tơnơ̆ mơ tŭ neh sir cih khà làng bol, Dabit gơkòl nùs nhơm lah pơrhơng, gen khai đơs mơ Yàng Jehôwa lah: “Añ neh tìs glài kơnjơ̆ tòm bơta añ neh lơh. Khoai Yàng Jehôwa, tŭ do añ rac dan Kơnràñ tă tơlik bơta tồi glài cau duh broă Kơnràñ dê. Añ neh lơh dô bơta bơrngơl gơla ngan.”

I Ală Bơtau 18:18

Eli ho lah: “Ò di añ lơh sơlồng sơlàng Israel; mơ la bơtau mơ hìu bèp bơtau dê, tài bơh bơtau neh sang lòi bơta sồr lam Yàng Jehôwa dê, mơ neh lòt jat Baal.

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

I Yal Yau 10:13

Behơ̆ Sol neh chơt tài bơh khai ò dòn song mơ Yàng Jehôwa, khai ò prap gàr jơnau Yàng Jehôwa dê, tian gơs khai kung hòi lùp dô nă cau bơjơu gru nàng tề lam khai,

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

II Yal Yau 19:2

Jehu kòn klau Hanani cau gơnoar hwơr lòt tìp bơtau mơ đơs mơ khai lah: “Bơtau pal dong kòl ală cau iơh bơsak mơ kòñ gơboh di ală cau gơjrañ di Yàng Jehôwa sơl ơ? Tài bơh ală bơta hơ̆, gen bơta gơjrañ dờng Yàng Jehôwa dê dùh hơđang bơtau.

Sră Jop 34:18

Ò di Kơnràñ la Bơtau đơs mơ ală cau bơtau lah: ‘Bol mê la cau ò kwơ.’ Mơ đơs mơ ală cau kòn bơtau lah: ‘Bol mê la cau iơh bơsak.’

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Jơnau Pơnđik 19:3

Bơta bơrngơl gơla lam cau tus bơta roh rui, mơ nùs khai ƀoah gơjrañ Yàng Jehôwa.

Esai 39:5

Gen Esai đơs mơ Ejekia lah: “Dan iat tĕ jơnau Yàng Jehôwa Gơnap Gơnoar Dờng neh đơs:

Jeremi 18:10

mơya dilah lơgar hơ̆ lơh bơta iơh di đap Añ mơ ò iat jơnau Añ, gen Añ rơp tòmgơl nùs bơh bơta lơngai mơ Añ lơh nền bol khai in.

I Samuel 1:22

mơya Anne ò guh bal, bơh khai đơs mơ bau klau khai lah: “Tŭ lơi kòn dềt sang pô, añ rơp cèng khai mơ tơlik mat di đap Yàng Jehôwa, mơ khai rơp ơm tềng hơ̆ sùm sùm, añ rơp ơn khai be dô nă cau Najire jơh rài.”

I Samuel 13:12

gen añ kơlôi lah: ‘Tŭ do cau Philistin rơp mù tòmlơh mơ añ tòm Gilgal, mơ añ òhềt jòi jat bơta nđàc Yàng Jehôwa dê.’ Behơ̆ añ bơklơn să tòm añ pal ơn phan ơn chu pơrguc.”

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.

I Samuel 15:28

Samuel đơs mơ khai lah: “Ngai do Yàng Jehôwa neh crè lơgar Israel bơh di mê mơ neh ai gơ dô nă cau tòm ală cau gơp ƀòn mê dê, la cau niam rlau mơ mê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 26:21

Gen Sol đơs lah: “Añ neh lơh tìs. Ơ Dabit kòn añ, rê wơl tĕ. Añ rơp ò lơh iơh di mê tai, tài bơh bơta kis añ jê geh sền dờng màng di đap mê tòm ngai do; añ neh lơh dô bơta bơrngơl gơla, mơ añ neh lơh dô bơta tìs dờng ngan.”