I Samuel 12:23 - Sră Goh 2018

²³ Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 12:23 ပူးပေါင်းရင်းမြစ်များ

I Ală Bơtau 8:36

gen dan Yàng ơm đang trồ iat tĕ, toh glài ală dĭ gơna Yàng, mơ làng bol Israel Kơnràñ in, tòm tŭ Yàng bơto bol khai in gùng niam hơ̆ la gùng bol khai pal lòt, mơ ai mìu hơđang ù tiah Yàng dê mơ Kơnràñ neh ai làng bol Kơnràñ in lơh gơs sre brê.

II Yal Yau 6:27

gen dan Kơnràñ ơm iat bơh hơđang trồ mơ toh bơta tồi glài ală cau duh broă Kơnràñ dê mơ làng bol Israel Kơnràñ dê, tòm tŭ Yàng bơto bol khai gùng niam, tòm hơ̆ bol khai pal lòt; mơ tơndùh mìu hơđang lơgar mơ Kơnràñ neh ai làng bol Kơnràñ in lơh gơs phan jơtài.

Đơs Crih 122:6

Hòi dan tĕ Jerusalem in geh bơta ring lơngai! “Dan cau lơi kòñ gơboh di mê gen geh bơtoah bơtoài!

Đơs Crih 34:11

Ơ ală kòn, tus tĕ iat añ, Añ rơp bơto bol mê in bơta duh rngòt di Yàng Jehôwa.

Đơs Crih 34:12

Ñcau la cau kòñ bơta kis, Mơ gơboh oă ngai nàng dòp bơta lơngai taih?

Lik Ejiptơ 32:30

Ngai hìng, Môise đơs mơ làng bol lah: “Bol mê neh tìs dô nơm glài kơnjơ̆ ngan. Mơya tŭ do añ guh tus hơ Yàng Jehôwa, digơlan añ rgơi dan bơta tơwài glài bol mê in.”

Jơnau Pơnđik 4:11

Añ neh bơto kòn git gùng bơta jak chài, Añ neh tề lam kòn tòm ală gùng song ring.

Cau Bơto 12:10

Cau bơto neh jơh nùs jòi jat ală sèng pơnring niam mơnĕ; mơ khai neh cih ală jơnau song mơ song ngan.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 27:18

Mơya dilah bol khai ngan la cau gơnoar hwơr mơ jơnau Yàng Jehôwa ơm bal mơ bol khai, gen tŭ do hòi dan ala tĕ mơ Yàng Jehôwa Gơnap Gơnoar, nàng ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem, ò gơkòl cèng hơ lơgar Babilôn tai.

Jeremi 42:4

Gen cau gơnoar hwơr Jeremi ho lah: “Añ kơno rau! Do, añ rơp hòi dan Jehôwa Yàng Tom Trồ bol mê dê, jat be jơnau bol mê dan, bơta lơi Yàng Jehôwa ho wơl, añ rơp yal bol mê in git, ò pồn dô êt lơi mơ bol mê.”

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Broă 12:5

Behơ̆, tòm tŭ Pier kòl krơ̆ tòm hìu jàm, ai Hìu Jum Goh kư̆ jơh nùs hòi dan mơ Yàng Tom Trồ sùm khai in.

Broă 20:20

Añ bơto yal ală bơta gơs kwơ oh mi in, mơ bơto oh mi di đap ƀòn lơgar hala bơh hìu do tus hơ hìu ne.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

I Tesalônika 3:10

Ngai mơ mang bol hi jơh nùs hòi dan nàng geh tòmtìp mat mơ oh mi, mơ lơh bềng tơl tòm bơta siơ̆u siar bơta dòn oh mi dê.

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 8:6

Mơya jơnau hơ̆ ò niam nùs Samuel tòm tŭ bol khai đơs lah: “Ai tĕ bol hi in dô nă bơtau nàng tề lam bol hi,” Behơ̆ Samuel hòi dan mơ Yàng Jehôwa.