I Samuel 10:24 - Sră Goh 2018

²⁴ Gen Samuel đơs mơ jơh làng bol lah: “Bol mê gŏ cau mơ Yàng Jehôwa neh sac rwah sơl? Ò gơs cau lơi ndròm be khai digùl jơh ală làng bol.” Gen làng bol driau dờng lah: “Dan cau bơtau kis jŏ!”

I Samuel 10:24 ပူးပေါင်းရင်းမြစ်များ

II Samuel 16:16

Gen Husai cau Arkit, la cau bơyô Dabit dê, tus hơ Apsalôm mơ đơs lah: “Dan bơtau in kis jŏ! Dan bơtau in kis jŏ!”

II Samuel 21:6

gen dan jào tĕ bol hi in poh nă cau tòm ală kòn klau khai dê nàng bol hi tơnchơt mơ yồng ƀồc bol khai di đap Yàng Jehôwa tòm Gibea, hơđang mơnơm Yàng Jehôwa.” Behơ̆, bơtau đơs lah: “Añ rơp jào bol khai bol mê in.”

I Ală Bơtau 1:21

Ò di mìng behơ̆ lơm ò, tòm tŭ cau tòm añ jê la bơtau neh bic bal mơ ală ồng pàng rau, gen añ mơ kòn klau añ la Salômôn rơp kong lơh glài be cau gơs glài.”

I Ală Bơtau 1:25

Ngai do khai neh lòt hơđơm ne mơ ơn phan pơdơng duh khoai oă ngan kơnrồ, kơnrồ dam lơmă mơ belàt. Khai neh jà jơh ală kòn klau bơtau dê, ală cau kwang dờng at bồ ling, mơ Abiatha la cau gơnoar ơn phan duh khoai. Tòm jơ do, bol khai ơm ñô sa mơ khai, mơ driau dờng lah: ‘Dan bơtau Adônija in kis jŏ!’

I Ală Bơtau 1:34

Tềng hơ̆, Jadôk cau gơnoar ơn phan duh khoai mơ Nathan cau gơnoar hwơr bong mơñà khai in lơh gơs bơtau hơđang Israel. Uh tĕ kơlwòk mơ driau dờng tĕ lah:

I Ală Bơtau 1:39

Tềng hơ̆ Jadôk cau gơnoar ơn phan duh khoai ai ngke mơñà tòm Sàl Ing Duh Khoai mơ bong Salômôn in. Lồc behơ̆ bol khai uh kơlwòk, mơ jơh làng bol hòi driau dờng lah: “Dan bơtau Salômôn in kis sùm!”

II Ală Bơtau 11:12

Gen Jehôyada tơlik kòn bơtau, tơndau sơgơn bơtau hơđang bồ khai, mơ jào sră bơta boh lam khai in; bol khai yal tơnggit mơ bong mơñà khai in lơh gơs bơtau, bol khai tàp tê mơ driau dờng lah: “Bơtau kis gam sùm sùm!”

II Yal Yau 23:11

Gen Jehôyada cèng tơlik kòn klau bơtau dê mơ tơndau sơgơn bơtau hơđang bồ khai; mơ ai khai in sră bơta ho bal mơ yal tơnggit khai gơs bơtau at bồ. Jehôyada mơ ală kòn klau khai dê bong mơñà bơtau in mơ driau dờng lah; “Dan bơtau in kis jŏ!”

Mathiơ 21:9

Mpồl làng bol cau ƀà lòt lài, cau ƀà jat tơnơ̆ driau dờng lah: “Hôsana, Kòn Dabit. Lơngai Bơtau ai sơnđan Yàng mơ tus. Hôsana hơđang jòng rlau jơh.”

Yal Wơl 17:15

gen kơrhia lơh nền tĕ pồ bơtào cau bơtau mơ Jehôwa Yàng Tom Trồ bol mê dê rơp sac rwah. Khai pal la cau bơh digùl ală oh mi tòm bol mê dê. Bañ bơtào dô nă cau làng bơdìh hơđang bol mê, la dô nă cau ò di la oh mi tòm Israel.

I Samuel 11:15

Behơ̆ jơh làng bol lòt tus hơ Gilgal mơ dòp Sol la cau bơtau at bồ di đap Yàng Jehôwa. Tềng hơ̆ bol khai ơn ală phan ơn duh khoai ring lơngai di đap Yàng Jehôwa, Sol mơ jơh làng bol Israel hòn chò dờng ngan ò git lơh.

I Samuel 12:1

Samuel đơs mơ jơh Israel lah: “Añ neh iat jơh ală jơnau bol mê neh đơs mơ añ, mơ añ neh bơtào dô nă bơtau hơđang at bồ hơđang bol mê.

I Samuel 12:13

Sền tĕ do la cau bơtau mơ bol mê neh sac rwah, la cau mơ bol mê neh dan. Sền ne, Yàng Jehôwa neh bơtào dô nă bơtau hơđang bol mê.

I Samuel 9:2

Khai gơs dô nă kòn klau sơnđan la Sol, gam pơnu mơ niam klau. Ò gơs dô nă cau lơi digùl làng bol Israel niam klau rlau mơ khai; khai ntào bồ khai mơ pơnì jơnhoa rlau mơ jơh ală cau ndai.