I Samuel 10:19 - Sră Goh 2018

¹⁹ Mơya tŭ do bol mê neh pơndang sang Yàng Tom Trồ bol mê dê la Bơtau neh dong tă bol mê bơh di jơh ală bơta rung rài mơ bòl glar. Mơ bol mê neh đơs lah: ‘Ò, dan bơtào dô nă bơtau hơđang bol hi.’ Behơ̆ tŭ do tơlik tĕ mat di đap Yàng Jehôwa jat ală jơi bơtiàn bol mê dê mơ jat mpồl hìu nhă bol mê dê.”

I Samuel 10:19 ပူးပေါင်းရင်းမြစ်များ

Jơnau Pơnđik 16:33

Cau tă khà tòm tiang ào; Mơya bơta lơh nền bơh di Yàng Jehôwa mơ tus.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Khà Làng Bol 11:20

mơya tơl jơh tòm dô kơnhai, jơl tus di tŭ poac gơ rơp lik bơh di trồm muh bol mê dê, mơ bol mê làp dil gơ, tài bơh bol mê neh sang lòi Yàng Jehôwa la Bơtau ơm digùl bol mê, mơ bol mê neh rac ròc di đap Kơnràñ mơ đơs lah: “Ñchi bơh tài bol hi neh sang lòi Ejiptơ taih?”’”

Khà Làng Bol 17:2

“Đơs tĕ mơ cau Israel mơ sồr bol khai cèng tus jơt bàr nơm gai jra, kòp nă cau at bồ jơi bơtiàn cèng dô nơm. Cih tĕ sơnđan kòp nă cau hơđang gai jra khai dê.

Yal Wơl 17:14

“Tòm tŭ bol mê mut tòm lơgar mơ Jehôwa Yàng Tom Trồ bol mê dê, ai bol mi in lơh gơs sre brê mơ ơm tơn tềng hơ̆, mơ bol mê đơs lah: ‘Bol he bơtào tĕ dô nă cau bơtau at bồ hơđang bol he kung be jơh ală làng bol ndai ơm gùt dar bol he,’

Jôsue 24:1

Gen Jôsue pơjum bal jơh ală jơi bơtiàn Israel dê tòm Sicem. Khai hòi jơh ală cau kwang kra, ală cau kwang at bồ, ală cau kwang cahrña, mơ jơh ală cau kwang ling Israel dê, mơ bol khai tus pơjum bal di đap Yàng Tom Trồ.

Ală Kwang Cahrña 8:23

Gideôn đơs mơ bol khai lah: “Añ rơp ò at bồ bol mê, kòn klau añ kung ò at bồ bol mê sơl. Yàng Jehôwa rơp at bồ bol mê.”

I Samuel 10:20

Tòm tŭ Samuel neh cèng jơh ală jơi bơtiàn Israel tus rềp, gen jơi bơtiàn Benjamin geh sac rwah.

I Samuel 12:12

Mơya tòm tŭ bol mê gŏ Nahas bơtau làng bol Ammôn dê lòt tus tòmdră mơ bol mê, gen bol mê neh đơs mơ añ lah: ‘Ò, bol hi kòñ gơs dô nă bơtau at bồ hơđang bol hi,’ bulah Jehôwa Yàng Tom Trồ bol mê dê la Bơtau at bồ bol mê.

I Samuel 14:23

Behơ̆ Yàng Jehôwa dong tă Israel tòm ngai hơ̆; mơ bơta tòmlơh gơ lòt gan rlau Bet Aben, mơ mpồl ling Sol dê jơh ală pơgap jơt rbô nă. Bơta tòmlơh làm tus hơ tiah kơh mơnơm Epraim dê.

I Samuel 14:38

Gen tàng Sol đơs lah: “Tus tĕ tềng do, jơh tơl nă bol mê la cau at bồ mpồl ling, mơ bol he sơwì tĕ nàng git tồi glài lơi neh tìs tòm ngai do.

I Samuel 3:21

Yàng Jehôwa kư̆ tơlik mat tòm Silô, mơ Kơnràñ neh yal tơlik să tòm Kơnràñ dê mơ Samuel tòm Silô bơh jơnau đơs Kơnràñ dê.

I Samuel 4:1

Mơ jơnau đơs Samuel dê tus mơ jơh Israel. Tòm ală ngai hơ̆ cau Philistin pơjum nàng tòmlơh tòmdră mơ làng bol Israel, mơ làng bol Israel lik lòt nàng tòmdră mơ bol khai. Cau Israel lơh sàl tòm Ebenejer, mơ cau Philistin lơh sàl tòm Ephek.

I Samuel 8:19

Mơya làng bol ò bài iat Samuel; bol khai đơs lah: “Ò! Mơya bol hi lơh nền pal gơs dô bơtau at bồ hơđang bol hi,

I Samuel 8:5

Bol khai đơs mơ khai lah: “Ồng neh kra rau mơ ală kòn klau ồng ò jat ală gùng ồng dê; tŭ do dan pồ bơtào bol hi in dô nă bơtau nàng tề lam bol hi kung be ală làng bol ndai.”