I Samuel 10:11 - Sră Goh 2018

¹¹ Tòm tŭ jơh ală cau git khai bơh lài gŏ khai đơs hwơr bal mơ ală cau gơnoar hwơr gen bol khai đơs bal mơ gơp lah: “Ñchi bơta neh gơlik gơs di kòn klau Kis taih? Sol kung gơs bal tòm sèng ală cau gơnoar hwơr ơ?”

I Samuel 10:11 ပူးပေါင်းရင်းမြစ်များ

Amôs 7:14

Amôs ho wơl mơ Amajiah lah: “Añ ò di la cau gơnoar hwơr, kung ò di la dô nă kòn klau cau gơnoar hwơr dê; mơya añ la dô nă cau ê belàt, mơ añ kung rcang gàr niam ală chi ƀal brê.

Amôs 7:15

Mơya Yàng Jehôwa neh tă añ bơh broă jat mpồl belàt, mơ Yàng Jehôwa đơs mơ añ lah: ‘Lòt tĕ đơs hwơr mơ làng bol Israel Añ jê.’

Jang 7:15

Ală cau Juda ai lơh krơi mơ đơs lah: “Cau do òhềt bơtê, mbe rgơi git oă ngan taih?”

Broă 3:10

gen git đal lah să tòm khai neh nggui di Mpồng Hàng Mơnĕ hìu duh khoai dê nàng kanadàn, behơ̆ tàng bol khai ai lơh krơi mơ mơp dơl bơh broă neh gơlik gơs khai in.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 9:21

Cau lơi kơno jơnau khai gen ai lơh nrơt nrơl mơ đơs lah: “Ò di cau do neh tơnchơt ală cau hòi dan di sơnđan hơ̆ tòm Jerusalem, mơ kung lòt tus tềng do nàng cap bol khai hwài brê di đap ală cau gơnoar lam bồ ơn phan duh khoai ò ơ?”

I Samuel 19:24

Khai hồ ală ào khai dê mơ đơs hwơr di đap Samuel, khai bic kuh behơ̆ jơh dô ngai mơ dô mang hơ̆. Gen tàng làng bol đơs lah: “Sol kung ơm tòm mpồl ală cau gơnoar hwơr sơl ơ?”