I Samuel 1:15 - Sră Goh 2018

¹⁵ Anne ho lah: “Ò di behơ̆, ơ yàng! Añ la dô nă cau ùr gơs oă ngan bơta bòl glar mơ moat jrùng; añ ò ñô tơrnòm hala alak; mơya añ ơm tuh hwềng soàn añ di đap Yàng Jehôwa.

I Samuel 1:15 ပူးပေါင်းရင်းမြစ်များ

Sră Jop 30:16

Mơ tŭ do hwềng nùs añ jê gơhòr lik tòm añ; Ală ngai jê sồt bòl glar neh sơmbat kup añ.

Đơs Crih 143:6

Añ pò tê wèt hơ Yàng, Hwềng soàn añ tơhìr Yàng be tiah rañ ro. (Selah)

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Jơnau Pơnđik 14:10

Bơta sràt bơtang kòp nùs đal git is; Cau ndai ò geh tòmpà bơta chò hòp mơ khai.

Jơnau Pơnđik 15:1

Jơnau ho lơbơn niam lơh rài bơta gơhào gơjrañ; Ai jơnau sràt bơtang bơrcek nùs gơjrañ.

Jơnau Pơnđik 25:15

Sùm sùm òbat gơhào gơjrañ gen sồng bơto pơndòm nùs cau kwang at bồ dê; ai lơmpiat lơbơn niam tơrpă ală ntìng.

Ñìm Rac 2:19

Guh tĕ driau nggà tòm trồ mang, tòm tŭ rơp sơntòm kơp gàr; Tuh tơlik nùs ai kung be dà di đap mat Yàng Jehôwa. Pò tĕ tê ai hơ Kơnràñ bơh bơta kis ală kòn dềt ai dê, bol khai bòl glar òsô tài bơh jơgloh tòm kòp nơm bồ gùng.

I Samuel 1:16

Bañ sền di cau dĭ ùr ồng dê be dô nă cau ùr ơlă ơlai; bơh añ pal yal tơlik bơta dơrcul mơ moat jrùng dờng ngan añ jê tòm tŭ do.”

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.