I Pier 5:3 - Sră Goh 2018

³ ò di nàng at bồ ală cau neh jào oh mi in, mơya nàng lơh krơh niam mpồl belàt in.

I Pier 5:3 ပူးပေါင်းရင်းမြစ်များ

Đơs Crih 33:12

Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

Đơs Crih 74:2

Dan kah mpồl jơnum Kơnràñ dê mơ Kơnràñ neh bàn bơh yau, Mơ neh tơwài wơl nàng lơh gơs phan jơtài Kơnràñ dê; Kung dan kah mơnơm Siôn la tiah Kơnràñ neh tus ơm.

Ejekiel 34:4

Bol mê ò lơh ală belàt lơbơn in gơs pràn wơl, ò sơmbòi ală belàt kòp jê, ò pùt ală belàt kong sồt, bol mê ò cèng brê wơl ală belàt tìs nrah; ò jòi ală belàt neh roh. Mơya, bol mê neh at bồ bol gơ dô bă iơh bơsak mơ rhung rhang.

Mice 7:14

Ê gàr tĕ làng bol mê dê mơ gai jra mê dê, la mpồl belàt gơrê bal mê dê, ơm kis is tòm brê, ơm digùl dô nơm suơn tòm lơgar. Lòi tĕ bol gơ in sa ñhơt tòm Basan mơ Galaat kung be tòm ală ngai yau òr.

Khà Làng Bol 18:7

Mơya mìng mê mơ ală kòn klau mê pal ngac ngar lơh broă cau gơnoar ơn phan duh khoai dê tòm jơh ală broă gơrê bal mơ cơnòng ơn phan duh khoai mơ pơnah đah ngkòi bài kơrnìng. Añ ai mê in broă lơh cau gơnoar ơn phan duh khoai dê be dô nơm phan pà. Cau lơi ndai tus rềp di tiah sàng goh pal kong tơnchơt.”

Jang 13:15

Bơh Añ neh lơh krơh bol mê in, nàng bol mê in kung lơh be Añ neh lơh bol mê in sơl.

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

I Kôrintô 11:11

Bulah behơ̆, tòm Yàng gen cau ùr pal càng cau klau; cau klau kung pal càng cau ùr.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

II Kôrintô 1:24

mơ ò di bol hi kòñ at bồ bơta dòn oh mi dê, mơya bol hi kòñ dong kòl bơta hòn chò oh mi dê, bơh oh mi geh ntào kơ̆ tòm bơta dòn.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

Philip 3:17

Ơ ală oh mi, dô nùs bal đòm tĕ añ, mơ sền ală cau lơh jat krơh mơ oh mi neh gŏ tòm bol hi.

Philip 4:9

Dilah bơta lơi oh mi neh bơtê, neh dòp geh, neh kơno bơh añ mơ neh gŏ tòm añ, lơh jat tĕ, gen Yàng Tom Trồ la Bơtau ai bơta lơngap lơngai rơp ơm bal mơ oh mi.

I Tesalônika 1:7

tian gơs oh mi gơlik gơs krơh niam jơh ală cau dòn jat in ơm tòm Masedoan mơ Acai.

II Tesalônika 3:9

Hơ̆ ò di la tài bơh bol hi ò geh gơnoar, mơya hơ̆ la nàng lơh krơh oh mi in, tồ oh mi in đòm jat bol hi.

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.