I Pier 3:3 - Sră Goh 2018

³ Ală cau ùr bañ sơmpô să đah bơdìh, be bơka sŏ, dò wan ală phan màh, mơ soh ală ồi ào màng,

I Pier 3:3 ပူးပေါင်းရင်းမြစ်များ

Sơnròp Gơlik Gơs 24:22

Tŭ làkđa neh sir hùc rau, gen cau dĭ ai dô nơm sơmbiat màh kơnjơ̆ nggùl sieklơ mơ dô yô kòng kơnjơ̆ jơt sieklơ,

Sơnròp Gơlik Gơs 24:47

Gen añ lùp khai lah: ‘Ai la kòn ùr ñcau taih?’ Khai ho: ‘Añ la kòn ùr Bethuel, kòn klau Nakôr mơ Milka dê.’ Añ tơndò mo sơmbiat di muh mơ dô yô kòng di tê khai.

Sơnròp Gơlik Gơs 24:53

Khai ai phan ngui mơ priă, mơ màh, mơ ồi ào ai Rebeka in, khai kung ai ală phan màng ai bi klau mơ mè Rebeka in.

II Ală Bơtau 9:30

Tòm tŭ Jehu lòt tus hơ Jejreel, gen Jesebel kơno bơta hơ̆; khai bong muh mat, bơka sŏ, mơ tơnggòr bơh di mpồng dềt.

Este 5:1

Tòm ngai pe Este soh ào jrùh bau ùr bơtau dê mơ ntào tòm ƀlàng hìu dơlam gơlang bơtau dê, di đap ơdŭ pơjum bơyai broă bơtau dê. Cau bơtau ơm nggui hơđang sơbàn khai dê tòm ơdŭ bơyai broă, wèt mat hơ mpồng mut tòm ơdŭ.

Đơs Crih 45:9

Tòm mpồl ală cau ùr màng ryŭ bơtau dê gơs ală kòn ùr ală bơtau dê, Bau ùr cau bơtau bơka să mơ màh Ôphir ntào đah ma bơtau.

Lik Ejiptơ 3:22

Kòp nă cau ùr rơp lùp dan cau gơp ƀòn mơ cau ùr lơi ơm tòm hìu khai dê, ai bol khai in ală phan lơh mơ priă mơ màh, mơ ồi ào nàng tơnsoh ală kòn klau mơ ală kòn ùr bol mê dê. Behơ̆, bol mê rơp hồ ai jơh phan mơna cau Ejiptơ dê.”

Lik Ejiptơ 32:2

Arôn ho mơ bol khai lah: “Hồ tĕ ală bơno di tồr ală bau ùr, ală kòn klau mơ ală kòn ùr bol mê dê, lồc behơ̆ cèng tus añ in.”

Lik Ejiptơ 33:4

Tòm tŭ làng bol kơno ală jơnau moat jrùng do, gen bol khai sơntòm ñìm rac pơt wòl, ò gơs cau lơi dò wan ală phan bơka să.

Lik Ejiptơ 35:22

Jơh ală cau gơs nùs kòñ lơh broă, cau klau mơ cau ùr, lòt tus mơ cèng tơl ală phan bơka să mơ màh: ală crang sŏ, ală bơno tồr, ală sơmbiat, mơ ală phan ndai. Jơh tơl nă bol khai ơn màh bol khai dê lơh gơs phan ơn tơyài hơđang Yàng Jehôwa in.

Lik Ejiptơ 38:8

Bol khai ngui kòng lơh krơh triang muh mat ală cau ùr duh broă di mpồng mut Sàl Tòm Mat dê nàng lơh gơs dô nơm thùng bal mơ jơng ơn gơ dê.

Esai 52:1

Ơ Siôn, kah rngal tĕ, kah rngal tĕ, soh tĕ bơta pràn ai dê. Ơ Jerusalem la ƀòn dờng sàng goh, soh tĕ ồi ào hàng mơnĕ ai dê. Cau ò siat gơltau mơ cau ƀơ̆ ƀơl rơp ò mut tòm tiah ai dê tai.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Ejekiel 23:40

Bol khai kung neh sồr cau kong sồr lòt jà ală cau tus bơh tiah ngài, mơ tòm tŭ bol khai neh tus gen ai neh um dà nàng wă rò bol khai, pih mat mơ dò wan phan bơka să ai dê.

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

I Pier 3:2

bơh neh gŏ bơta lơh lòt bol ai dê la sàng goh mơ duh rngòt.