I Kôrintô 9:18 - Sră Goh 2018

¹⁸ Behơ̆ gen, phan ƀàn añ jê la ñchi taih? Hơ̆ la tòm tŭ bơto yal Jơnau Niam, gen bơto yal ò gơs jền tơngai, mơ ò ngui gơnoar añ neh gơs tòm Jơnau Niam.

I Kôrintô 9:18 ပူးပေါင်းရင်းမြစ်များ

Jang 4:36

Cau toès leng jền tơngai, mơ tơrgòm plai prap bơta kis gam sùm sùm in, tồ cau sih gar mơ cau toès in gơs hòn chò bal mơ gơp.’

Broă 18:3

ơm lơh broă bal tòm hìu bol khai, tài bơh broă lơh ndròm bal la jing sàl.

Rôma 14:15

Dilah bơh phan sa mơ mê lơh oh mi he in moat jrùng, gen mê ò tai lơh lòt jat bơta kòñ gơboh ò. Bañ tài bơh phan sa mơ lơh roh rui cau mơ Bơtau Krist neh kong chơt ala.

I Kôrintô 10:33

Kung be añ, lơh niam nùs jơh ală cau tòm jơh ală bơta, ò di jòi cồng nha is añ in, mơya jòi cồng nha oă cau in, nàng bol khai geh dong klàs.

I Kôrintô 3:8

Cau tam mơ cau tuh la dô bă bal, mơya kòp nă rơp dòp phan ƀàn is he dê, jat be broă bòl glar khai neh lơh.

I Kôrintô 7:31

Ală cau ngui phan mơna dunnia, kung be cau ò ngui; tài bơh dunnia gơs tŭ do rơp lòt gan rlau.

I Kôrintô 8:9

Bulah behơ̆, kơrhia tĕ, rngòt bơta khat gơboh oh mi dê gơlik gơs dô nơm kai lơh cau lơbơn bơta dòn in gơdùh tòm tồi glài.

I Kôrintô 9:12

Dilah cau ndai geh gơnoar hơ̆ hơđang oh mi, tơ ài lah bol hi taih? Bulah behơ̆ bol hi ò òs ngui gơnoar hơ̆, mơ pơrlơ̆ wơl, bol hi kong ơt tòm jơh ală bơta nàng klàs bơta kơryan Jơnau Niam Bơtau Krist dê.

I Kôrintô 9:15

Pơnah đah añ, añ ò ngui gơnoar hơ̆ ò, kung ò cih sră do nàng ai wơl gơnoar hơ̆; chan añ kong chơt la niam rlau mơ kong cau lơh bơta jòng să añ jê gơlik gơs ò kwơ.

I Kôrintô 9:17

Dilah añ gơs nùs kòñ lơh broă hơ̆ gen geh phan ƀàn; mơya dilah ò gơs nùs kòñ lơh, gen gơnoar broă kung neh geh Yàng Tom Trồ jào añ in.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

I Tesalônika 2:6

Bulah bol hi la cau gơnoar bơto dờng Bơtau Krist dê, gơs gơnoar dan oh mi sền bol hi la dờng màng, mơya kung ò dan bơta gơklŏ bơh di kòn mơnus, hala bơh di oh mi, hala bơh di cau ndai.