I Kôrintô 9:12 - Sră Goh 2018

¹² Dilah cau ndai geh gơnoar hơ̆ hơđang oh mi, tơ ài lah bol hi taih? Bulah behơ̆ bol hi ò òs ngui gơnoar hơ̆, mơ pơrlơ̆ wơl, bol hi kong ơt tòm jơh ală bơta nàng klàs bơta kơryan Jơnau Niam Bơtau Krist dê.

I Kôrintô 9:12 ပူးပေါင်းရင်းမြစ်များ

Sơnròp Gơlik Gơs 24:56

Cau dĭ đơs lah: “Bañ lơh añ in òbat bơh Yàng Jehôwa neh lơh gơlik gơs broă añ lòt do.”

Nehemi 4:8

mơ jơh tơl nă bol khai bơtào kai gơrmơ̆i bal nàng lòt tòmlơh tòmdră mơ Jerusalem mơ lơh oă bơta sơlồng sơlàng tềng hơ̆.

Luka 11:52

Bòl glar bol mê in la cau bơto bơta boh lam! Bơh bol mê prap kai mpồng bơta git jak dê; să tòm bol mê ò bài mut, mơ ală cau ndai kòñ mut gen bol mê kơryan kơrdơl.”

Broă 18:3

ơm lơh broă bal tòm hìu bol khai, tài bơh broă lơh ndròm bal la jing sàl.

Rôma 15:22

Tài bơh broă hơ̆ añ neh kòl bơta kơryan oă dơ̆, gen añ ò rgơi lòt tus hơ oh mi.

I Kôrintô 13:7

Bơta kòñ gơboh kong jơh ală bơta, dòn jơh ală bơta, gơn kơnòm jơh ală bơta, ơt ơl jơh ală bơta.

I Kôrintô 6:7

Mơ tai, oh mi neh yă wơn bal mơ gơp, hơ̆ la kong alah rau. Ñchi bơh tài ò kong cau bơklơn la niam rlau taih? Ñchi bơh tài ò kong cau pơrlồm la niam rlau taih?

I Kôrintô 9:14

Yàng kung neh sồr nền lah cau lơi bơto yal Jơnau Niam gen kơnòm bơh Jơnau Niam mơ kis.

I Kôrintô 9:15

Pơnah đah añ, añ ò ngui gơnoar hơ̆ ò, kung ò cih sră do nàng ai wơl gơnoar hơ̆; chan añ kong chơt la niam rlau mơ kong cau lơh bơta jòng să añ jê gơlik gơs ò kwơ.

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

I Kôrintô 9:18

Behơ̆ gen, phan ƀàn añ jê la ñchi taih? Hơ̆ la tòm tŭ bơto yal Jơnau Niam, gen bơto yal ò gơs jền tơngai, mơ ò ngui gơnoar añ neh gơs tòm Jơnau Niam.

I Kôrintô 9:2

Dilah añ ò di la cau gơnoar bơto dờng ală cau ndai in, mơya añ kung la cau gơnoar bơto dờng oh mi in; bơh să tòm oh mi la ƀang kì gơnoar bơto dờng añ jê tòm Yàng.

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

II Kôrintô 2:12

Tòm tŭ añ neh tus hơ Trôas nàng bơto yal Jơnau Niam bơh Bơtau Krist, dô nơm mpồng neh pò añ in tòm Yàng,

II Kôrintô 6:3

Bol hi ò lơh kai gơtup tìs cau lơi, tồ gơnoar broă bol hi dê ò gơkòl sền òsơp.