I Kôrintô 8:6 - Sră Goh 2018

⁶ mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

I Kôrintô 8:6 ပူးပေါင်းရင်းမြစ်များ

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Jeremi 10:7

Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Malaci 2:10

Bol he jơh tơl nă ò di gơs dô nă Bèp ơ? Ò di dô nă Yàng Tom Trồ neh crơng gơs bol he ơ? Gen ñchi bơh tài bol he ò dòn song bal mơ gơp, lơh gơtup tìs di bơta ho bal mơ ală ồng pàng bol he dê taih?

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Jang 1:10

Bơtau Jơnau neh ơm tòm dunnia, mơ dunnia neh geh crơng gơs bơh Kơnràñ, mơya dunnia ò git đal Kơnràñ.

Jang 1:3

Jơh ală phan la bơh Kơnràñ crơng gơs, ò gơs phan lơi neh geh crơng gơs la ò bơh Kơnràñ.

Jang 10:30

Añ mơ Bèp la dùl.”

Jang 13:13

Bol mê sơnđan Añ la Cau Bơto mơ la Yàng; bol mê đơs di, bơh Añ ngan la behơ̆.

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 20:17

Yàng Jesu đơs lah: “Bañ ƀư di Añ, bơh Añ òhềt guh rê hơ Bèp. Mơya ai lòt tus tĕ hơ oh mi Añ, mơ đơs mơ bol khai lah: Añ guh rê hơ Bèp Añ, mơ la Bèp bol mê sơl, hơ Yàng Tom Trồ Añ mơ la Yàng Tom Trồ bol mê sơl.”

Broă 17:28

Bơh ơm tòm Kơnràñ bol he geh kis, lơh lòt, mơ gam gơs; be dô êt nă cau cih pơnđik ală ồng dê đơs lah: ‘Bol he kung la ală kòn Kơnràñ dê sơl.’

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Rôma 11:36

Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 12:3

Tài bơh hơ̆ añ yal oh mi in git lah ò gơs cau lơi bơh Yàng Hwềng Yàng Tom Trồ dê tề lam mơ đơs lah: “Jesu pal srat sơntơm;” mơ kung ò gơs cau lơi đơs lah; “Jesu la Yàng,” dilah ò bơh Yàng Hwềng Goh tề lam.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Ephesô 3:14

Tài bơh bơta hơ̆ añ cùn gơltang di đap Yàng Bèp,

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

Yal Wơl 6:4

Ơ Israel, ơm iat tĕ; Jehôwa Yàng Tom Trồ bol he dê la Jehôwa gơs mìng dô nă.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.