I Kôrintô 8:4 - Sră Goh 2018

⁴ Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

I Kôrintô 8:4 ပူးပေါင်းရင်းမြစ်များ

Đơs Crih 86:10

Bơh Yàng la dờng ngan, lơh ală broă crih crài; Mìng dô nă Yàng lơm la Yàng Tom Trồ.

Esai 37:16

“Ơ Yàng Jehôwa Gơnap Gơnoar Dờng la Yàng Tom Trồ Israel dê, la Bơtau nggui hơđang sơbàn digùl ală ceruƀim, mìng dô nă Kơnràñ la Yàng Tom Trồ hơđang ală lơgar tòm ù. Kơnràñ neh crơng gơs trồ mơ tiah.

Esai 37:20

Tŭ do, khoai Jehôwa Yàng Tom Trồ bol hi dê, dan dong tă bol hi klàs bơh di tê khai dê, tồ jơh ală lơgar tòm plai ù rơp git mìng dô nă Kơnràñ lơm, khoai Yàng Jehôwa, la Yàng Tom Trồ.”

Esai 41:24

Bol mê ngan la ơm gòi ò gơs phan lơi, ală broă lơh bol mê dê jơh ală la ò kwơ lơm; cau lơi sac rwah bol mê hơ̆ la dô nă cau cù kìr.

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Esai 44:6

Yàng Jehôwa la cau Bơtau At Bồ mơ la Bơtau Dong Tơwài Israel dê, la Yàng Jehôwa Gơnap Gơnoar Dờng đơs be do: “Añ la Bơtau sơnròp mơ Añ la Bơtau lồi dut; rlau mơ Añ ò gơs Yàng Tom Trồ lơi.

Esai 45:14

Do la jơnau Yàng Jehôwa đơs: “Phan mơna Ejiptơ dê, mơ ală phan kă bro Ethiôpi dê, mơ ală cau Sabe să jan jơnhoa, bol khai rơp tus hơ mê mơ rơp gơrê mơ mê; bol khai rơp lòt jat mê; bol khai rơp tus hơ mê tòm che sreng mơ kun bồ di đap mê, rac dan mơ mê lah: ‘Yàng Tom Trồ ơm mơ mê lơm; ò gơs yàng lơi ndai, ò gơs Yàng Tom Trồ lơi ndai tai.’”

Esai 45:5

Añ la Yàng Jehôwa, ò gơs bơtau lơi ndai; rlau mơ Añ ò gơs Yàng Tom Trồ lơi ndai tai. Bulah mê neh ò git Añ, Añ rơp bơtơl pràn mê in,

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Jơnau Niam Jat Mak 12:29

Yàng Jesu ho lah: “Do la bơta dờng màng rlau jơh: ‘Ơ Israel, iat tĕ, Yàng la Yàng Tom Trồ bol he dê la Yàng mìng gơs dùl lơm.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 19:26

Ală oh mi gŏ mơ kơno lah ò di mìng tòm Ephesô lơm ò, mơya kung mòr jơh kơnhwàl Asia sơl, Pol do neh bơchồt mơ lơh pơrlơ̆ nùs oă cau, mơ đơs lah ală yàng bơh tê cau lơh gơs gen ò di la yàng.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

I Kôrintô 8:10

Bơh dilah dô nă cau gŏ mê la cau git jak mơ nggui sa tòm bơmồng rùp ràk, gen nùs tồr lơbơn lơño khai dê ò di rơp lơh khai in khin cha mơ sa phan duh khoai rùp ràk ò ơ?

I Kôrintô 8:11

Tài bơh hơ̆ bơta git jak mê dê lơh oh mi lơbơn lơño hơ̆ in roh rui, la cau mơ Bơtau Krist neh kong chơt ala.

Galati 4:8

Mơya bơh yau òr oh mi ò git Yàng Tom Trồ, gen lơh gơs dĭ ală yàng dê mơya ngan ò di la Yàng.

Ephesô 4:6

dô nă Yàng Tom Trồ la Bèp jơh ală cau, Kơnràñ ơm hơđang jơh tơl nă, ơm digùl jơh tơl nă, mơ ơm tòm jơh tơl nă cau.

Yal Wơl 3:24

“Khoai Yàng Jehôwa la Bơtau At Bồ Hơđang Rlau Jơh, Kơnràñ neh sơntòm yal tơlik cau duh broă Kơnràñ in bơta dờng ryŭ mơ tê pràn kơldang Kơnràñ dê. Bơh hơđang trồ hala tòm ù gơs yàng lơi gơs broă lơh mơ lơh ală broă gơnap gơnoar be Kơnràñ neh lơh sơl ơ?

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 4:39

Gen tàng tòm ngai do, đal git tĕ mơ prap gàr tĕ tòm nùs lah Jehôwa la Yàng Tom Trồ hơđang trồ ne mơ hơđơm plai ù do. Ò gơs yàng lơi ndai tai be Kơnràñ.

Yal Wơl 6:4

Ơ Israel, ơm iat tĕ; Jehôwa Yàng Tom Trồ bol he dê la Jehôwa gơs mìng dô nă.

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Timôthe 2:5

Bơh gơs mìng dô nă Yàng Tom Trồ lơm, mơ gơs mìng dô Bơtau Đơng Kừh ơm digùl Yàng Tom Trồ mơ jơi kòn mơnus, hơ̆ la Yàng Jesu Krist la mơnus.

Jude 1:25

hơ̆ la Yàng Tom Trồ mìng dùl lơm mơ la Yàng Jesu la Yàng Dong Klàs bol he dê; dan bơta gơklŏ, bơta ryŭ ryơm, gơnoar pràn mơ gơnap gơnoar gơrê bal mơ Kơnràñ bơh ală rài lài, tus di tŭ do, jơl tus sùm sùm. Amen.