I Kôrintô 8:3 - Sră Goh 2018

³ Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

I Kôrintô 8:3 ပူးပေါင်းရင်းမြစ်များ

I Ală Bơtau 3:3

Salômôn kòñ gơboh di Yàng Jehôwa, mơ lòt jat ală bơta sồr lam Dabit bèp khai dê; mìng khai ơn phan duh khoai mơ chu kơlhô hơđang ală tiah jơnhoa.

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 17:3

Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Lik Ejiptơ 33:12

Môise đơs mơ Yàng Jehôwa lah: “Yàng neh đơs mơ añ lah: ‘Lam tĕ làng bol do,’ mơya Yàng ò ai añ in git Yàng rơp sồr ñcau lòt bal mơ añ. Yàng neh đơs lah: ‘Añ git mê mơ sơnđan mê, bơh mê neh geh bơta nđàc di đap Añ.’

Lik Ejiptơ 33:17

Gen Yàng Jehôwa đơs mơ Môise lah: “Añ rơp lơh dô bơta mơ mê neh dan mơ Añ hơ̆, tài bơh mê neh geh niam nùs Añ, mơ Añ git mê bơh sơnđan mê dê.”

Jeremi 1:5

“Lài mơ tŭ crơng mòn mê tòm kơndul mè, Añ neh git mê rau; Lài mơ tŭ mê geh deh, Añ neh ơn is mê, bơtào mê lơh gơs cau gơnoar hwơr ală lơgar in.”

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Mathiơ 7:23

Tŭ hơ̆ Añ rơp yal loh bol khai in git lah: ‘Ơ ală cau lơh bơta tồi glài iơh bơsak, Añ ò tŭ lơi git bol mê ò, lik lòt tĕ bơh di Añ.’”

Jang 10:14

Añ la cau ê lơbơn niam. Añ git belàt Añ jê mơ belàt Añ git Añ,

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Rôma 11:2

Yàng Tom Trồ ò sang lòi làng bol Kơnràñ neh git lài. Oh mi git jơnau Sră Goh cih bơh Eli, mbe khai yă làng bol Israel di đap Yàng Tom Trồ mơ đơs lah:

I Kôrintô 13:12

Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

I Kôrintô 2:9

Mơya kung be Jơnau neh cih lah: “Ală bơta mat òhềt gŏ, tồr òhềt kơno, Mơ nùs kòn mơnus òhềt kơlôi, Gen Yàng Tom Trồ neh rcang lài ală bơta hơ̆ ală cau in kòñ gơboh di Kơnràñ.”

Galati 4:9

Mơya tŭ do oh mi neh git Yàng Tom Trồ, hala pal đơs lah geh Yàng Tom Trồ git oh mi, gen mbe oh mi rê wơl hơ bơta ƀă liă lơbơn lơño ò kwơ hơ̆? Mơ ñchi bơh tài kòñ lơh dĭ gơ in tai taih?

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Jakơ 1:12

Lơngai cau in kong jai bơta gơlòng bòl glar, bơh tòm tŭ neh kong jai bơta lòng rau gen rơp dòp geh sơgơn bơtau bơta kis mơ Yàng neh ho pơgon ai cau in kòñ gơboh di Kơnràñ.

Jakơ 2:5

Ơ oh mi kòñ gơboh añ jê, iat tĕ do: Yàng Tom Trồ ò di neh sac cau rƀah tòm rài do nàng dòp geh bơta pas sơm tòm bơta dòn, mơ pơrdòn lơgar Kơnràñ neh ho pơgon mơ cau kòñ gơboh di Kơnràñ ò ơ?

I Pier 1:8

Kơnràñ la Bơtau oh mi ò gŏ mơya kòñ gơboh, bulah tŭ do oh mi ò tìp Kơnràñ, mơya dòn Kơnràñ mơ hòn chò dờng ngan, mơ ò rgơi yal.

I Jang 4:19

Bol he kòñ gơboh tài bơh Kơnràñ neh kòñ gơboh di bol he lài.

I Jang 4:7

Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.

Yal Tơlik 2:19

‘Añ git ală broă mê dê, bơta kòñ gơboh, bơta dòn, bơta duh broă, bơta kong ơt, mơ ală broă mê lơh tơnơ̆ la lin rlau mơ ală broă sơnròp sơl.

Yal Tơlik 2:9

‘Añ git bơta rung rài mơ bơta rƀah lơòi mê dê, bulah mê la cau pas gơs, mơ Añ git ală jơnau bơrsèl tơnhial ală cau sơnđan is să he la cau Juda mơya ò di la cau Juda, bol khai la bal mơ mpồl jơnum cà Satan dê.