I Kôrintô 8:13 - Sră Goh 2018

¹³ Gen tàng, dilah phan sa lơh oh mi añ in gơtup tìs, gen tòm jơh rài añ ò gơs tŭ lơi sa poac tai, rngòt lơh oh mi añ in gơtup tìs.

I Kôrintô 8:13 ပူးပေါင်းရင်းမြစ်များ

Mathiơ 17:27

Mơya tồ bol he ò lơh kai gơtup tìs bol khai in, gen lòt tĕ đàr ka tòm dàlềng, kup ka lơi mê geh lài. Mê tè bơr gơ gen rơp gŏ dô đong priă, ai tĕ mơ boh dia Añ mơ mê in.”

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Rôma 14:13

Behơ̆, bañ cahrña ndring gơp he tai, mơya chan lơh nền bañ gơs cau lơi lơh gơtup pừ hala kai gơtup tìs oh mi he in.

Rôma 14:21

Niam rlau hơ̆ la ò sa poac, ò ñô tơrnòm, mơ ò lơh bơta lơi gơs kai gơtup tìs oh mi he in.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 10:33

Kung be añ, lơh niam nùs jơh ală cau tòm jơh ală bơta, ò di jòi cồng nha is añ in, mơya jòi cồng nha oă cau in, nàng bol khai geh dong klàs.

I Kôrintô 13:5

ò lơh tìs jơnau, ò jòi cồng nha is, ò mhar gơjrañ, ò kah prap bơta tìs;

I Kôrintô 6:12

Gơs cau đơs lah: “Añ geh gơnoar lơh jơh ală bơta,” mơya ò di jơh ală bơta gơs kwơ mê in; añ rgơi đơs lah añ geh gơnoar lơh jơh ală bơta, mơya añ ò bài lơh dĭ dô bơta lơi in.

I Kôrintô 9:12

Dilah cau ndai geh gơnoar hơ̆ hơđang oh mi, tơ ài lah bol hi taih? Bulah behơ̆ bol hi ò òs ngui gơnoar hơ̆, mơ pơrlơ̆ wơl, bol hi kong ơt tòm jơh ală bơta nàng klàs bơta kơryan Jơnau Niam Bơtau Krist dê.

II Kôrintô 11:29

Gơs cau lơbơn lơño mơ añ ò lơbơn lơño ơ? Gơs cau lơi gơtup tìs mơ añ ò dơrcul ơ?

II Kôrintô 6:3

Bol hi ò lơh kai gơtup tìs cau lơi, tồ gơnoar broă bol hi dê ò gơkòl sền òsơp.