I Kôrintô 8:12 - Sră Goh 2018

¹² Behơ̆, tòm tŭ bol mê tìs glài mơ ală oh mi mơ lơh nùs tồr lơbơn lơño bol khai dê gơlik sồt, gen kung tìs glài mơ Bơtau Krist.

I Kôrintô 8:12 ပူးပေါင်းရင်းမြစ်များ

Sơnròp Gơlik Gơs 20:9

Gen Abimelek hòi Abraham mơ đơs lah: “Ñchi mê neh lơh di añ taih? Ñchi bơta añ neh lơh tìs mơ mê, mơ mê lơh añ mơ jơh lơgar añ in gơlik gơs glài dờng taih? Mê neh lơh di añ ală broă ò di pal lơh.”

Sơnròp Gơlik Gơs 42:22

Ruben đơs lah: “Añ neh đơs mơ bol mê lah: Bañ lơh tìs glài mơ oh hơ̆ sơl ơ? Mơya bol mê ò iat, gen tàng tŭ do bol he pal tơm wơl mhàm khai dê.”

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Lik Ejiptơ 32:21

Khai đơs mơ Arôn lah: “Ñchi bơta làng bol do neh lơh bi in, mơ bi neh lam bol khai tòm tồi glài kơnjơ̆ behơ̆ taih?”

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 18:21

Tŭ hơ̆ Pier tus lùp Kơnràñ lah: “Ơ Yàng, dilah oh mi añ tìs glài mơ añ, gen nđò dơ̆ añ toh glài khai in taih? Jơl tus di poh dơ̆ sơl ơ?”

Mathiơ 18:6

Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ tơnkram khai tòm kơnàng dàlềng la niam rlau.

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Jơnau Niam Jat Mak 9:42

“Mơya cau lơi lơh gơtup tìs dô nă tòm ală kơnòm dềt neh dòn Añ do, gen chan kơt mpal lŭ dờng di ngko cau hơ̆ mơ sơrbì khai tòm dàlềng la niam rlau.

Luka 17:2

Chan kơt mpal lŭ di ngko khai mơ sơrbì tòm dàlềng la niam rlau mơ lòi khai in lơh gơtup tìs dô nă tòm ală kòn dềt do.

Rôma 14:20

Bañ tài bơh phan sa mơ lơh gơprah broă Yàng Tom Trồ dê. Ngan kòp nơm phan la goh, mơya cau lơi bơh sa mơ lơh cau ndai in gơtup tìs, hơ̆ la iơh.

I Kôrintô 12:12

Mơ tai, be să jan la dô nơm mơ gơs oă pơnah, mơ jơh ală pơnah hơ̆ la bal tòm să jan, bulah gơs oă pơnah, gơs mìng dô nơm să lơm; mơ Bơtau Krist kung behơ̆ sơl.

I Samuel 2:25

Dilah dô nă cau tìs glài tòmdră mơ dô nă cau ndai, gen gơs cau đơs ala cau glài hơ̆ mơ Yàng Jehôwa; mơya dilah dô nă cau tìs glài tòmdră mơ Yàng Jehôwa gen ñcau rơp đơs ala khai in taih?” Bulah behơ̆, bol khai ò bài iat jơnau bèp bol khai dê, bơh hơ̆ la nùs kòñ Yàng Jehôwa dê nàng tơnchơt bol khai.

I Samuel 24:11

Do, ơ bèp, sền tĕ dô pet ào jrùh bèp dê tòm tê añ! Bơh ngan lah añ neh koh dô pet di mum tiang ào jrùh bèp dê, mơ añ ò tơnchơt bèp, tŭ do bèp pal git loh añ ò tìs hala ò gơs glài tòmdră. Añ ò tìs glài tòmdră mơ bèp, bulah bèp neh jòi mòc añ mơ kòñ tơnroh bơta kis añ.