I Kôrintô 8:10 - Sră Goh 2018

¹⁰ Bơh dilah dô nă cau gŏ mê la cau git jak mơ nggui sa tòm bơmồng rùp ràk, gen nùs tồr lơbơn lơño khai dê ò di rơp lơh khai in khin cha mơ sa phan duh khoai rùp ràk ò ơ?

I Kôrintô 8:10 ပူးပေါင်းရင်းမြစ်များ

Amôs 2:8

Bol khai bic di gah kòp nơm cơnòng duh khoai, hơđang ală ồi ào neh ai lơh gơs phan ai bồ. Tòm hìu ală yàng bol khai dê bol khai ñô alak ală cau kup lơh glài.

Khà Làng Bol 25:2

Ală cau ùr hơ̆ neh jà bol khai sa ală phan ơn duh khoai ală yàng bol khai dê. Làng bol neh sa mơ cùn khoai di đap ală yàng hơ̆.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Rôma 14:14

Añ git mơ dòn nền ngan tòm Yàng Jesu la ò gơs phan lơi ƀơ̆ ƀơl is gơ dê ò, mìng gơs cau lơi kơlôi phan lơi la ƀơ̆ ƀơl, gen gơ la ƀơ̆ ƀơl cau hơ̆ in lơm.

Rôma 14:23

Mơya cau lơi gơs nùs pin wil wơl mơ sa, gen neh kòl lơh nền glài rau, bơh ò di bơh bơta dòn mơ sa; dilah lơh bơta lơi ò di bơh bơta dòn gen hơ̆ la glài rau.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

I Kôrintô 8:7

Bulah behơ̆ ò di kòp nă cau git jơnau song do; mơya gơs cau neh mòng mơ rùp ràk jơl tus di tŭ do, mơ sa phan gam kơlôi be phan neh ơn rùp ràk in, mơ nùs tồr lơbơn lơño bol khai dê gơlik gơs ƀơ̆ ƀơl.

I Kôrintô 8:9

Bulah behơ̆, kơrhia tĕ, rngòt bơta khat gơboh oh mi dê gơlik gơs dô nơm kai lơh cau lơbơn bơta dòn in gơdùh tòm tồi glài.

Ală Kwang Cahrña 9:27

Bol khai lik lòt tòm suơn nàng pic plai ño, pat plai ño tòm suơn ño bol khai dê, mơ lơh dô bơta ñô sa. Bol khai mut tòm hìu yàng bol khai dê, sa mơ ñô mơ bơrsèl tơnhial di Abimelek.