I Kôrintô 8:1 - Sră Goh 2018

¹ Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

I Kôrintô 8:1 ပူးပေါင်းရင်းမြစ်များ

Esai 47:10

Ai ơm lơngap lơngai tòm bơta iơh bơsak ai dê mơ đơs lah: “Ò gơs cau lơi gŏ añ.” Bơta jak chài mơ bơta git wă ai dê neh lam ai lòt tìs gùng, tòm tŭ ai đơs is tòm nùs lah: “Añ do, rlau mơ añ ò gơs cau lơi ndai tai!”

Esai 5:21

Bòl glar ală cau lơi in sền is să tòm he la jak chài, gŏ is să tòm he la àng loh!

Khà Làng Bol 25:2

Ală cau ùr hơ̆ neh jà bol khai sa ală phan ơn duh khoai ală yàng bol khai dê. Làng bol neh sa mơ cùn khoai di đap ală yàng hơ̆.

Broă 15:10

Behơ̆ tŭ do, ñchi bơh tài oh mi khin lòng Yàng Tom Trồ, tơntui ală cau dòn in yô mơ ồng pàng bol he hala să tòm bol he kung ò jai tui?

Broă 15:29

Pal wèr phan duh khoai rùp ràk, mhàm, phan chơt rhwat, mơ bañ tìs glài rềs àr bơrnàn. Dilah oh mi kơrmap gàr să he ò lơh bơta hơ̆ la niam. Ơm ngac yơ.”

Broă 21:25

Mơya gơwèt mơ làng bol bơdìh neh gơlik gơs cau dòn, gen bol hi neh cih sră pơyoa lơh nền la bañ sa phan ơn duh khoai rùp ràk, mhàm, phan chơt rhwat mơ kơrmap gàr să he, mơ bañ tìs glài rềs àr bơrnàn.”

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 12:16

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

Rôma 14:10

Mơya mbe mê cahrña di oh mi he dê taih? Ai mê, mbe mê sền òsơp di oh mi he taih? Bơh jơh tơl nă bol he rơp ntào di đap sơbàn cahrña Yàng Tom Trồ dê.

Rôma 14:14

Añ git mơ dòn nền ngan tòm Yàng Jesu la ò gơs phan lơi ƀơ̆ ƀơl is gơ dê ò, mìng gơs cau lơi kơlôi phan lơi la ƀơ̆ ƀơl, gen gơ la ƀơ̆ ƀơl cau hơ̆ in lơm.

Rôma 14:19

Behơ̆, bol he jòi jat tĕ bơta lơh cau in gơtòmsòr mơ bơt bơtào bal mơ gơp.

Rôma 14:22

Mê dòn be lơi, gen prap gàr tĕ behơ̆ digùl mê mơ Yàng Tom Trồ. Lơngai cau lơi in ò lơh nền glài să tòm khai in tòm bơta khai neh sơwì nền la di.

Rôma 14:3

Cau sa bañ sền òsơp di cau ò sa; mơ cau ò sa bañ cahrña di cau sa, bơh Yàng Tom Trồ neh dòp rò khai.

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

I Kôrintô 1:5

Bơh tòm jơh ală bơta oh mi neh geh pas gơs tòm Kơnràñ, tòm jơnau đơs mơ tòm jơh ală bơta git wă —

I Kôrintô 10:15

Añ đơs kung be đơs mơ ală cau jak chài; oh mi pal sơwì ală jơnau añ đơs.

I Kôrintô 10:28

Mơya, dilah gơs cau lơi yal oh mi in lah: “Phan do neh ơn pơdơng duh khoai” gen bañ sa, tài bơh cau neh yal he in mơ bơh nùs tồr tai sơl.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

I Kôrintô 4:18

Mơ tai, gơs dô êt cau tòm oh mi jòng să he, tồnlah añ ò lòt tus hơ oh mi tai.

I Kôrintô 4:6

Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

I Kôrintô 8:2

Dilah cau lơi kơlôi khai git bơta lơi, ngan cau hơ̆ òhềt git kung be khai pal git.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

I Kôrintô 8:7

Bulah behơ̆ ò di kòp nă cau git jơnau song do; mơya gơs cau neh mòng mơ rùp ràk jơl tus di tŭ do, mơ sa phan gam kơlôi be phan neh ơn rùp ràk in, mơ nùs tồr lơbơn lơño bol khai dê gơlik gơs ƀơ̆ ƀơl.

Ephesô 4:16

kơnòm dê Kơnràñ mơ jơh să jan geh crap mơ gơtòmklĕ bal bơh bơta dong kòl ală tiah tơrbŏ dê, jat be pràn kòp pơnah dê, lơh să jan gơlik dờng mơ bơtào is tòm bơta kòñ gơboh.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.