I Kôrintô 7:7 - Sră Goh 2018

⁷ Bulah behơ̆ añ kòñ jơh tơl nă ơm tòm toh be añ; mơya kòp nă gơs bơta ai gòi is bơh Yàng Tom Trồ, cau do be do, cau ne be dă.

I Kôrintô 7:7 ပူးပေါင်းရင်းမြစ်များ

Sơnròp Gơlik Gơs 30:34

Laban đơs lah: “Behơ̆, di be jơnau mê đơs.”

Broă 26:29

Pol ho lah: “Ò git dô êt hala oă, añ hòi dan mơ Yàng Tom Trồ ò di mìng dô nă bơtau lơm ò, mơya jơh tơl nă cau iat jơnau añ tòm ngai do, gen gơlik gơs be añ, mìng ò gơs che sreng do lơm.”

Rôma 12:6

Bơh bol he gơs ală bơta ai gòi krơi is, jat be bơta nđàc Yàng Tom Trồ neh ai bol he in, dilah cau lơi đơs hwơr, gen đơs tĕ jat be rnoas bơta dòn dê;

I Kôrintô 12:11

Mơya gơs mìng dô nă Yàng Hwềng lơh jơh ală broă hơ̆, mơ tòmpà kòp nă cau in jat nùs kòñ Kơnràñ dê.

I Kôrintô 12:4

Gơs ală bơta ai gòi ò di la ndròm bal, mơya gơs mìng dô nă Yàng Hwềng.

I Kôrintô 7:8

Mơya añ đơs mơ ală cau òhềt bau, mơ ală cau ùr bơnrau lah dilah bol khai kư̆ ơm be añ, hơ̆ la niam.

I Kôrintô 9:15

Pơnah đah añ, añ ò ngui gơnoar hơ̆ ò, kung ò cih sră do nàng ai wơl gơnoar hơ̆; chan añ kong chơt la niam rlau mơ kong cau lơh bơta jòng să añ jê gơlik gơs ò kwơ.

I Kôrintô 9:5

Bol hi ò geh gơnoar lam bau ùr lòt bal, kung be ală cau gơnoar bơto dờng ndai, ală oh mi Yàng dê mơ Sepha sơl ơ?