I Kôrintô 7:22 - Sră Goh 2018

²² Bơh cau ơm dĭ mơ geh Yàng hòi sac, gen hơ̆ la cau Yàng neh hồ toh; kung behơ̆ sơl, cau ơm khat gơboh mơ geh hòi sac, gen hơ̆ la dĭ gơna Bơtau Krist dê.

I Kôrintô 7:22 ပူးပေါင်းရင်းမြစ်များ

Đơs Crih 116:16

Ơ Yàng Jehôwa, añ la cau duh broă Kơnràñ dê; Añ la cau duh broă Kơnràñ dê, kòn ùr kòn klau cau ùr duh broă Kơnràñ dê. Kơnràñ neh hồ che cap añ.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

I Kôrintô 7:21

Mê gam ơm dĭ mơ geh hòi sac sơl? Bañ lơh dơrcul bơh bơta hơ̆, mơya dilah mê rgơi geh khat gơboh, gen ngui tĕ tŭ lơmpah hơ̆ la niam rlau.

I Kôrintô 9:19

Bơh bulah añ neh geh khat gơboh gơwèt mơ jơh ală cau, gen añ kung kong lơh gơs dĭ gơna jơh ală cau in nàng añ in geh oă cau rlau.

I Kôrintô 9:21

Gơwèt mơ làng bol bơdìh añ kung be cau làng bol bơdìh, (bulah behơ̆, gơwèt mơ Yàng Tom Trồ, añ ò di la ò gơs bơta boh lam, mơya añ ơm hơđơm bơta boh lam Bơtau Krist dê), tồ geh cau làng bol bơdìh ơm bơdìh bơta boh lam cau Juda dê.

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Galati 5:1

Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Philemôn 1:16

ò di sền be dĭ gơna tai ò, mơya sền màng rlau mơ dĭ gơna, sền be oh mi kòñ gơboh, sơnròp ngan la kòñ gơboh añ jê, tơ ài lah bi gen sơlo rlau tai, bơh pơnah đah poac să mơ pơnah tòm Yàng sơl.

I Pier 2:16

Lơh lòt tĕ be cau khat gơboh, mơ bañ ngui bơta khat gơboh hơ̆ lơh kơrnìng kìng bơta iơh bơsak, mơya pal lơh lòt be cau dĭ gơna Yàng Tom Trồ dê.

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;