I Kôrintô 7:2 - Sră Goh 2018

² Mơya tài bơh rngòt di bơta rềs àr bơrnàn, gen kòp nă cau klau pal gơs bau ùr, mơ kòp nă cau ùr kung pal gơs bau klau.

I Kôrintô 7:2 ပူးပေါင်းရင်းမြစ်များ

Jơnau Pơnđik 18:22

Cau lơi jòi geh dô nă bau ùr, hơ̆ la jòi bàn dô bơta lơngai, Mơ dòp geh bơta nđàc Yàng Jehôwa dê.

Jơnau Pơnđik 19:14

Hìu tum mơ phan mơna la sre brê ồng pàng lòi wơl; ai dô nă bau ùr jak chài bơh Yàng Jehôwa mơ tus.

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Mathiơ 5:32

Mơya Añ đơs mơ bol mê, dilah cau lơi lòi bau ùr he, ò di bơh glài rềs àr bơrnàn, gen lơh bau he in gơlik gơs cau bơrnàn; ai cau lơi bau mơ cau ùr neh cau lòi hơ̆, gen kung tìs glài bơrnàn sơl.”

I Kôrintô 6:18

Pleh tĕ di bơta rềs àr bơrnàn. Kòp nơm glài cau lơh la bơdìh să jan, mơya cau lơi tìs glài rềs àr bơrnàn, hơ̆ la tìs glài tòmdră mơ să jan he.

I Kôrintô 7:1

Do la jơnau lùp ală bơta oh mi neh cih añ in. Cau klau ò bau hơ̆ la niam.

I Kôrintô 7:3

Bau klau pal lơh sir broă gơwèt mơ bau ùr, mơ bau ùr gơwèt mơ bau klau kung behơ̆ sơl.

I Kôrintô 7:9

Mơya dilah bol khai ò rgơi gàr să he, gen bau tĕ, bơh bau la niam rlau mơ lòi gơkòl nùs hàm kòñ is chồl bơtrut.

Ephesô 5:28

Kung behơ̆ sơl bau klau pal kòñ gơboh di bau ùr he be să jan he. Cau lơi kòñ gơboh di bau ùr he la kòñ gơboh di să tòm he sơl.

Ephesô 5:33

Bulah behơ̆, kòp nă tòm oh mi pal kòñ gơboh di bau ùr he be să tòm he, ai bau ùr gen pal duh rngòt di bau klau.

I Tesalônika 4:4

Kòp nă tòm oh mi pal git kơrmap gàr să he tòm bơta gơlik gơs sàng goh mơ màng ryŭ,

I Timôthe 4:3

Bol khai bơkơŭ lap klau tòmbau ùr, mơ sồr wèr ală phan sa Yàng Tom Trồ neh crơng gơs, ai cau dòn mơ git jơnau song in ưnngài mơ dòp ngui.

Ală Kwang Cahrña 21:22

Gen dilah bèp hala bi bol khai dê tus tòmlah mơ bol he, gen bol he rơp đơs mơ bol khai lah: ‘Dan ai nùs dờng ơnàng mơ ai gơnoar bol hi in nàng gơs bol khai, tài bơh tòm bơta kơlìn gơtoă, bol hi ò kup dô nă bau ùr kòp nă bol khai in, mơ oh mi kung ò gơkòl glài, bơh ai kòn ùr oh mi dê bol khai in.’”