I Kôrintô 7:11 - Sră Goh 2018

¹¹ (mơ dilah khai neh tòmlòi mơ bau klau rau, gen pal kư̆ ơm is dô nă, hala tòmsòr wơl mơ bau klau); mơ bau klau bañ lòi bau ùr.

I Kôrintô 7:11 ပူးပေါင်းရင်းမြစ်များ

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 3:1

Yàng Jehôwa đơs: “Dilah dô nă cau klau sang lòi bau ùr khai dê, Mơ bau ùr lòt bau mơ cau klau ndai, Gen bau klau rơp rê wơl bau mơ cau ùr hơ̆ sơl? Bơta hơ̆ ò lơh lơgar in ngkòr ngkàc dờng ngan sơl ơ? Mê neh lơh gơlềng gơlàng mơ oă ngan cau gơboh, mơ mê kòñ rê wơl mơ Añ ơ?

Mathiơ 5:32

Mơya Añ đơs mơ bol mê, dilah cau lơi lòi bau ùr he, ò di bơh glài rềs àr bơrnàn, gen lơh bau he in gơlik gơs cau bơrnàn; ai cau lơi bau mơ cau ùr neh cau lòi hơ̆, gen kung tìs glài bơrnàn sơl.”

Jơnau Niam Jat Mak 10:12

ai dilah cau ùr hơ̆ lòi bau klau khai dê mơ bau mơ cau klau ndai, gen kung tìs glài bơrnàn behơ̆ sơl.”

Jơnau Niam Jat Mak 10:2

Gơs cau Pharisi tus lùp nàng lòng Kơnràñ lah: “Cau klau gơs gơnoar lòi bau ùr khai dê sơl?”

Luka 16:18

Cau lơi sang lòi bau ùr khai dê mơ bau mơ cau ùr ndai, gen tìs glài bơrnàn; ai cau lơi bau mơ cau ùr neh bau klau sang lòi, gen kung tìs glài bơrnàn sơl.”

I Kôrintô 7:10

Gơwèt mơ ală cau neh tòmbau gen añ nting, mơ ngan ò di la añ mơya la Yàng sồr lah: Bau ùr bañ tòmlòi mơ bau klau,

I Kôrintô 7:12

Gơwèt mơ ală cau ndai, gen ò di la Yàng đơs mơya añ đơs mơ bol khai lah: Dilah oh mi lơi gơs bau ùr ò dòn Yàng, mơ bau ùr kòñ ơm mơ he, gen bañ lòi khai.

Yal Wơl 22:19

Bol khai rơp lơh glài cau klau hơ̆ dô rhiang sieklơ priă mơ ai priă hơ̆ bèp cau ùr hơ̆ in, tài bơh cau klau hơ̆ neh đơs iơh sơnđan dô nă cau ơruh Israel dê. Cau ùr hơ̆ rơp gam la bau ùr cau klau hơ̆ dê; khai ò di sang lòi bau ùr khai dê tòm ală tŭ tơngai khai gam kis.