I Kôrintô 6:8 - Sră Goh 2018

⁸ Mơya, să tòm oh mi neh cahrña bơklơn mơ lơh blac pơrlồm di cau ndai, mơ kung lơh bơta hơ̆ di oh mi he tai.

I Kôrintô 6:8 ပူးပေါင်းရင်းမြစ်များ

Lebi 19:13

Bañ pơrlồm cau ơm rềp di bol mê hala tòmpìt ai phan khai dê. Bañ prap lòi wơl jền tơngai dô nă cau lơh ơpah dê jơl tus di ngai hìng.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 20:13

Mơya cau tòmho mơ dô nă tòm mpồl bol khai lah: ‘Ơ bi, añ ò lơh tìs mơ bi ò. Bi ò di neh lơh nền mơ añ dô dơnie ò ơ?

Jơnau Niam Jat Mak 10:19

Mê git ală bơta sồr lam: ‘Bañ tơnchơt cau, bañ tìs glài rềs àr bơrnàn, bañ ntung kơñau, bañ lơh cơng blac, bañ pơrlồm, dòn duh tĕ mè bèp mê.’”

Kôlôse 3:25

Bơh cau lơi lơh bơta ò song ring, gen rơp kong sal wơl bơta ò song ring khai neh lơh hơ̆, bơh ò gơs bơta cah is cau lơi.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.