I Kôrintô 6:3 - Sră Goh 2018

³ Oh mi ò git lah bol he rơp cahrña cau gơnrơh ò ơ? Tơ ài lah ală broă bal mơ rài kis do.

I Kôrintô 6:3 ပူးပေါင်းရင်းမြစ်များ

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Rôma 6:16

Oh mi ò git lah dilah oh mi neh ơn să he lơh gơs dĭ gơna nàng dòn bơr cau lơi, gen lơh gơs dĭ gơna cau he dòn bơr dê, dĭ gơna tồi glài dê lam tus hơ bơta chơt, dĭ gơna bơta dòn bơr dê lam tus hơ bơta song ring ò ơ?

I Kôrintô 6:15

Oh mi ò git lah să jan oh mi dê la pơnah tòm să jan Bơtau Krist dê ò ơ? Behơ̆ añ rgơi ai pơnah tòm să jan Bơtau Krist dê mơ lơh gơlik gơs pơnah tòm să jan cau dri sơl ơ? Ò di behơ̆!

I Kôrintô 6:16

Hala oh mi ò git lah cau lơi đềt mềr bal mơ cau ùr dri gen gơlik gơs kung be dô nơm să bal mơ khai ò ơ? Bơh Sră Goh cih lah: “Bàr nă rơp gơlik gơs dô nơm poac bal.”

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

I Kôrintô 6:4

Behơ̆, dilah oh mi pal cahrña ală broă bal mơ rài kis do, gen mbe lơh oh mi cèng ală bơta hơ̆ ai ală cau ò gơrê bal mơ Hìu Jum Goh lơh gơs cau cahrña taih?

II Timôthe 2:4

Ò gơs dô nă cau lơi ơm ling mơ gam gơkòl broă rài do, lơh behơ̆ tồ niam nùs cau tòm hòi khai.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.