I Kôrintô 6:2 - Sră Goh 2018

² Oh mi ò git lah ală cau sàng goh rơp cahrña dunnia ò ơ? Mơ dilah dunnia kong oh mi cahrña, gen oh mi ò tơl bơta jak chài nàng cahrña ală broă dềt rhền rlau jơh ơ?

I Kôrintô 6:2 ပူးပေါင်းရင်းမြစ်များ

Đơs Crih 49:14

Bol khai kòl lơh nền mut tòm lơgar Làng ƀồc kung be dô mpồl belàt; Bơta chơt rơp ê gàr bol khai; Bol khai mù song tus tòm bơtô ƀồc, Să jan bol khai dê rơp ồm lề; Lơgar Làng ƀồc rơp la tiah ơm bol khai dê.

Daniel 7:18

Mơya ală cau sàng goh Bơtau Hơđang Rlau Jơh dê rơp dòp geh lơgar mơ sơmbat kơ̆ lơgar hơ̆ jơl tus sùm sùm ò lồi.’

Daniel 7:22

jơl tus di tŭ Bơtau Yau Òr tus cahrña mơ dong tò ală cau sàng goh Bơtau Hơđang Rlau Jơh dê, hơ̆ la tŭ tơngai bol khai dòp geh lơgar.

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Mathiơ 19:28

Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

Rôma 6:16

Oh mi ò git lah dilah oh mi neh ơn să he lơh gơs dĭ gơna nàng dòn bơr cau lơi, gen lơh gơs dĭ gơna cau he dòn bơr dê, dĭ gơna tồi glài dê lam tus hơ bơta chơt, dĭ gơna bơta dòn bơr dê lam tus hơ bơta song ring ò ơ?

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 6:4

Behơ̆, dilah oh mi pal cahrña ală broă bal mơ rài kis do, gen mbe lơh oh mi cèng ală bơta hơ̆ ai ală cau ò gơrê bal mơ Hìu Jum Goh lơh gơs cau cahrña taih?

II Kôrintô 4:18

Bơh bol he ò ơn nùs kơlôi di bơta gŏ mơ mat, mơya ơn nùs kơlôi di bơta ò gŏ mơ mat; bơh ală bơta gŏ mơ mat la ing lơm, mơya ală bơta ò gŏ mơ mat la gam sùm sùm.

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.