I Kôrintô 6:11 - Sră Goh 2018

¹¹ Mơ tòm oh mi neh gơs cau behơ̆ sơl. Mơya tòm sơnđan Yàng Jesu Krist mơ Hwềng Yàng Tom Trồ bol he dê, gen oh mi neh geh rào goh bơh tồi glài, mơ oh mi neh geh ơn Yàng Tom Trồ in, mơ neh geh kòp la song ring hơ Yàng Tom Trồ.

I Kôrintô 6:11 ပူးပေါင်းရင်းမြစ်များ

Đơs Crih 51:2

Dan rào añ in goh jơh hir bơta iơh bơsak añ jê, Mơ lơh añ in gơs goh bơh di bơta tồi glài añ jê.

Đơs Crih 51:7

Dan ai nsrum nha chi kin yơ̆i jùt goh tồi glài añ in, gen añ rơp gơs sàng goh; Dan rào añ gen añ rơp gơlik gơs bò rlau mơ piar

Jơnau Pơnđik 30:12

Gơs dô jơi bơtiàn kơlôi sơnơng he la sàng goh, mơya òhềt geh rào goh bơh bơta ƀơ̆ ƀơl he.

Esai 1:16

Rào tĕ să tòm bol mê, lơh tĕ să tòm bol mê in sàng goh! Tă sang tĕ ală broă iơh bol mê dê bơh di đap mat Añ! Ơm tĕ, bañ lơh tìs tai.

Esai 45:25

Mơya tòm Yàng Jehôwa, jơh ală kòn sau Israel dê rơp geh pha lin mơ gơklŏ.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Lebi 14:48

Mơya dilah cau gơnoar ơn phan duh khoai tus mơ sền sơwì hìu hơ̆ mơ bơta but bơsềt ò gơ sa rì tơnơ̆ mơ tŭ hìu neh lềr rau, khai rơp yal tơlik hìu hơ̆ la goh, tài bơh bơta but bơsềt neh ò gam tai.

Lebi 8:6

Gen Môise cèng Arôn mơ ală kòn klau khai dê tus hơđap mơ ai dà tơnum bol khai.

Mathiơ 20:4

gen đơs mơ bol khai lah: ‘Bol mê kung mut tĕ tòm suơn ño, mơ añ rơp ai jền tơngai di pal bol mê in.’ Bol khai lòt mo.

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Jang 13:10

Yàng Jesu đơs lah: “Cau lơi neh um rau, pal rào mìng jơng, gen gơs goh jơh să. Bol mê neh gơs goh, mơya ò di jơh tơl nă.”

Jang 13:8

Pier đơs lah: “Ò di. Ò gơs tŭ lơi Kơnràñ rơp rào jơng añ in ò!” Yàng Jesu ho lah: “Dilah Añ ò rào mê in, gen mê ò gơs dô pơnah lơi mơ Añ.”

Broă 13:39

Kơnòm di Kơnràñ kòp nă cau lơi dòn gen geh hồ toh, ai jơh ală bơta boh lam Môise gen ò rgơi hồ toh.

Broă 22:16

Tŭ do, ñchi bơh tài bi gam gơn tai taih? Ntào tĕ, gơs ƀaptem mơ hòi dan tồ tồi glài bi geh rào goh.’”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 3:24

mơ bol khai kơnòm di bơta nđàc ai gòi Yàng Tom Trồ dê, bơh bơta tơwài glài tòm Yàng Krist Jesu, tàng geh kòp la song ring.

Rôma 4:5

ai cau ò lơh broă dô êt lơi mơya dòn Yàng Tom Trồ la Bơtau kòp cau glài la song ring, gen bơta dòn cau hơ̆ dê geh Yàng Tom Trồ kòp la song ring.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

Rôma 5:9

Tŭ do bol he neh kơnòm di mhàm Kơnràñ nàng geh kòp la song ring, gen sơlo rlau tai bol he rơp kơnòm di Kơnràñ nàng geh dong klàs bơh bơta gơjrañ dờng Yàng Tom Trồ dê.

Rôma 8:30

mơ ală cau Kơnràñ neh lơh nền lài, gen Kơnràñ kung neh hòi sac; ală cau Kơnràñ neh hòi sac, gen Kơnràñ kung neh kòp la song ring; ală cau Kơnràñ neh kòp la song ring, gen Kơnràñ kung neh ai bol khai in bơta gơklŏ.

Rôma 8:33

Ñcau rơp yă ală cau Yàng Tom Trồ sac rwah taih? Yàng Tom Trồ la Bơtau kòp bol khai la song ring.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 12:2

Oh mi git lah tòm tŭ oh mi gam la cau làng bol bơdìh gen neh kòl rùp ràk ò gơs bơta kis ne hwài lòt tìs gùng.

Galati 2:16

Bulah behơ̆, bol hi kung neh git lah cau geh kòp la song ring, ò di bơh ală broă jat bơta boh lam dê, mơya kơnòm di bơta dòn tòm Yàng Jesu Krist, gen tàng să tòm bol hi neh dòn tòm Krist Jesu, nàng geh kòp la song ring bơh bơta dòn tòm Bơtau Krist, ò di bơh ală broă bơta boh lam dê, bơh ò gơs cau lơi geh kòp la song ring bơh ală broă bơta boh lam dê.

Galati 3:11

Mơ tai, ò gơs cau lơi kơnòm di bơta boh lam nàng geh kòp la song ring di đap Yàng Tom Trồ ò, bơta hơ̆ la loh làng ngan, bơh “cau song ring rơp kis bơh bơta dòn.”

Galati 3:24

Behơ̆ bơta boh lam kung be cau bơto lam bol he lòt tus hơ Bơtau Krist, tồ bol he in bơh bơta dòn mơ geh kòp la song ring.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Ephesô 5:26

nàng tơnơ̆ mơ tŭ neh ngui dà mơ Jơnau Yàng nàng rào goh rau, gen lơh Hìu Jum Goh gơlik gơs sàng goh,

Ephesô 5:8

Bơh lài òr oh mi la klam jơngo, mơya tŭ do oh mi la àng tòm Yàng; lơh lòt tĕ be cau ơm tòm bơta àng,

II Tesalônika 2:13

Ơ oh mi kòñ gơboh Yàng dê, bol hi pal bơh oh mi mơ ưnngài Yàng Tom Trồ sùm sùm tài bơh Yàng Tom Trồ neh sac rwah oh mi, bơh sơnròp nàng oh mi geh dong klàs tòm bơta gơlik gơs sàng goh bơh Yàng Hwềng mơ bơh bơta dòn jơnau song.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

Hebrơ 2:11

Bơh Bơtau lơh gơlik gơs sàng goh bal mơ ală cau gơlik gơs sàng goh, la bơh dô nă Bèp mơ gơlik gơs. Gen tàng Yàng Jesu ò ƀàssìl sơnđan bol khai la oh mi,

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 3:21

Dà hơ̆ lơh rùp sơnio bơh bơta ƀaptem tòm tŭ do dong klàs oh mi, ò di la tă sang bơta ngkòr ngkàc poac să dê ò, mơya la dô bơta rac dan mơ Yàng Tom Trồ nàng gơs nùs tồr niam, kơnòm di bơta kis wơl Yàng Jesu Krist dê,

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.