I Kôrintô 6:1 - Sră Goh 2018

¹ Tòm tŭ cau lơi tòm oh mi dilah gơs bơta tòmpìt tòmhà mơ cau ndai, gen mbe oh mi khin yă di đap cau bơdìh, mơ ò cèng tus di đap cau sàng goh taih?

I Kôrintô 6:1 ပူးပေါင်းရင်းမြစ်များ

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Broă 19:38

Behơ̆ dilah Demetrius mơ ală cau chài tŏ priă ơm bal mơ khai gơs jơnau kòñ yă wơn cau lơi, gen gơs tiah cahrña mơ cau kwang đơng lơgar; lòi bol khai yă wơn bol khai dê.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

I Kôrintô 14:33

bơh Yàng Tom Trồ ò di la Yàng Tom Trồ lơh sơlồng sơlàng, mơya la Yàng Tom Trồ bơta ring lơngai. Jat be òs tòm jơh ală Hìu Jum Goh ală cau sàng goh dê.

I Kôrintô 16:1

Bơh bơta rì jền ală cau sàng goh in tòm Jude, be añ neh sồr ală Hìu Jum Goh Galati be lơi, gen oh mi kung lơh jat behơ̆ sơl.

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

I Kôrintô 5:12

Tơnơ̆ wơl, añ ò gơs broă lơi pal cahrña cau bơdìh. Oh mi ò di cahrña ală cau tòm dơlam Hìu Jum Goh ò ơ?

I Kôrintô 6:5

Añ đơs behơ̆ tồ lơh bol mê in ƀàssìl. Behơ̆ ngan sơl la tòm oh mi ò gơs dô nă cau lơi tơl jak chài nàng rgơi cahrña digùl cau dòn sơl ơ?