I Kôrintô 5:11 - Sră Goh 2018

¹¹ Mơya añ neh cih oh mi in lah bañ lơh yô mơ cau lơi sơnđan is să he la cau dòn mơ cau hơ̆ la rềs àr bơrnàn, hàm hà, duh rùp ràk, lah sơrpah, bơñul lơmbè, ntung kơñau, gen kung bañ nggui sa bal mơ cau behơ̆.

I Kôrintô 5:11 ပူးပေါင်းရင်းမြစ်များ

Đơs Crih 10:3

Bơh cau iơh bơsak jòng să bơh nùs hàm kòñ khai dê; Cau hàm hà phan mơna sang lòi Yàng Jehôwa, mơ lah sơrpah Kơnràñ.

Đơs Crih 101:5

Añ rơp tơnroh cau đơs joh òm di cau gơp ƀòn he; Ai cau lơi gơs mat be tòm, mơ nùs pơnhừ să, gen añ rơp ò bài kong.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Mathiơ 18:17

Ai dilah cau hơ̆ ò bài iat bol khai, gen yal tĕ mơ Hìu Jum Goh; dilah khai kung ò bài iat Hìu Jum Goh, gen sền tĕ khai kung be cau bơdìh mơ cau dar dia.”

Mathiơ 23:25

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê rào đah bơdìh mơngàn mơ prềng, mơya tòm dơlam gen bềng bơta sa kwà mơ bơta pròng preh.

Luka 18:11

Cau Pharisi ntào hòi dan òm be do: ‘Khoai Yàng Tom Trồ, añ ưnngài Kơnràñ bơh añ ò di be cau ndai, sa kwà, ò song ring, rềs àr bơrnàn, kung ò di be cau dar dia ne.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Broă 1:15

Tòm ală ngai hơ̆, Pier ntào digùl ală oh mi dòn Yàng, (ntum ală cau pơjum tềng hơ̆ pơgap dô rhiang bàr jơt nă), mơ đơs lah:

Broă 9:17

Anania lik lòt, mut tòm hìu, gen ơn tê hơđang Sol mơ đơs lah: “Ơ bi Sol, Yàng la Yàng Jesu, neh tơlik să mơ bi tòm gùng bi lòt tus hơ do, neh sồr añ lòt tus tồ bi in geh àng mat wơl mơ geh bềng lìu Yàng Hwềng Goh.”

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

I Kôrintô 10:14

Behơ̆, ơ ală cau kòñ gơboh añ jê, pleh tĕ dê bơta duh khoai rùp ràk.

I Kôrintô 11:21

tài bơh tòm tŭ sa, kòp nă sa pơnah is he dê lài, tian gơs cau do jơgloh, cau ne bơñul.

I Kôrintô 5:13

Be Sră Goh cih lah: “Tă sang tĕ cau iơh bơsak bơh digùl oh mi.”

I Kôrintô 6:10

cau ntung kơñau, cau hàm hà, cau bơñul lơmbè, cau lah sơrpah, cau sa kwà, jơh ală cau hơ̆ ò geh pơrdòn lơgar Yàng Tom Trồ.

I Kôrintô 6:6

Mơya oh mi yă wơn cau dòn, mơ cèng di đap cau ò dòn dê.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

I Kôrintô 7:12

Gơwèt mơ ală cau ndai, gen ò di la Yàng đơs mơya añ đơs mơ bol khai lah: Dilah oh mi lơi gơs bau ùr ò dòn Yàng, mơ bau ùr kòñ ơm mơ he, gen bañ lòi khai.

I Kôrintô 7:15

Mơya dilah cau ò dòn Yàng kòñ cah is, gen lòi khai cah is; gen oh mi, cau ùr hala cau klau, ò gơs bơta rồn bơklơn lơi, bơh Yàng Tom Trồ neh hòi sac bol he tòm bơta ring lơngai.

I Kôrintô 8:11

Tài bơh hơ̆ bơta git jak mê dê lơh oh mi lơbơn lơño hơ̆ in roh rui, la cau mơ Bơtau Krist neh kong chơt ala.

Galati 2:12

Hơ̆ la tài bơh lài mơ tŭ ală cau bơh Jakơ sồr lòt òhềt tus tềng hơ̆, gen khai sào bal mơ cau làng bol bơdìh; mơya tòm tŭ bol hơ̆ neh tus gen khai ruc ơm is dô đah, tài bơh rngòt di mpồl cau kòñ prap gàr bơta boh lam siat gơltau.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

II Tesalônika 3:14

Dilah cau lơi ò dòn jat jơnau bol hi đơs tòm sră pơyoa do, gen git tĕ cau hơ̆, bañ tòmsòr mơ khai, tồ khai in git ƀàssìl ƀàsso.

II Tesalônika 3:6

Ơ oh mi, bol hi ai sơnđan Yàng Jesu Krist bol he dê mơ nting sồr oh mi pleh tĕ di oh mi lơi lơh lòt ală alai, ò lơh jat ală jơnau bơto sồr mơ bol khai neh dòp leng bơh di bol hi.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Jang 1:10

Dilah cau lơi lòt tus hơ oh mi mơ ò cèng bơta bơto sồr hơ̆, gen bañ rò khai mut tòm hìu, mơ bañ lùp còp khai;

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

Yal Tơlik 2:20

Mơya bơta Añ ò bài mê, hơ̆ la mê lòi Jesabel, cau ùr sơnđan is să he la cau gơnoar hwơr, khai bơto sồr mơ pơrlồm ơniai ală dĭ gơna Añ jê tìs glài rềs àr bơrnàn mơ sa phan duh khoai rùp ràk.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.