I Kôrintô 5:10 - Sră Goh 2018

¹⁰ Tŭ do añ ò đơs bơh cau rài do la cau rềs àr bơrnàn, hala cau hàm hà mơ cau ntung kơñau, hala cau duh rùp ràk; dilah behơ̆ gen oh mi pal lik bơh dunnia.

I Kôrintô 5:10 ပူးပေါင်းရင်းမြစ်များ

Luka 18:11

Cau Pharisi ntào hòi dan òm be do: ‘Khoai Yàng Tom Trồ, añ ưnngài Kơnràñ bơh añ ò di be cau ndai, sa kwà, ò song ring, rềs àr bơrnàn, kung ò di be cau dar dia ne.

Jang 15:19

Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê.

Jang 17:6

Añ neh yal tơlik sơnđan Bèp mơ ală cau Bèp neh ai Añ in bơh digùl dunnia do; bol khai bal mơ Bèp, Bèp ai bol khai Añ in, mơ bol khai neh prap gàr jơnau Bèp.

Jang 17:9

Añ bơh bol khai mơ hòi dan; ò di bơh dunnia mơ hòi dan, mơya bơh cau mơ Bèp neh ai Añ in, tài bơh bol khai bal mơ Bèp.

Jang 8:23

Yàng Jesu ho lah: “Bol mê lik bơh hơđơm, ai Añ bơh hơđang. Bol mê lik bơh dunnia do, ai Añ ò di lik bơh dunnia do.

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 10:27

Dilah gơs cau ò dòn jà oh mi mơ oh mi kòñ lòt, dilah khai yò phan lơi oh mi in gen sa tĕ, bañ bơh nùs tồr mơ lùp bơta lơi.

I Kôrintô 5:11

Mơya añ neh cih oh mi in lah bañ lơh yô mơ cau lơi sơnđan is să he la cau dòn mơ cau hơ̆ la rềs àr bơrnàn, hàm hà, duh rùp ràk, lah sơrpah, bơñul lơmbè, ntung kơñau, gen kung bañ nggui sa bal mơ cau behơ̆.

I Kôrintô 5:9

Añ neh cih tòm sră pơyoa oh mi in, bañ lơh yô bal mơ cau rềs àr bơrnàn.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Philip 2:15

tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

I Jang 4:5

Bol khai la bal mơ dunnia, gen tàng đơs jat be dunnia, mơ cau dunnia iat bol khai.

I Jang 4:7

Ơ ală cau kòñ gơboh, bol he kòñ gơboh tĕ bal mơ gơp; bơh bơta kòñ gơboh tus bơh di Yàng Tom Trồ, cau lơi kòñ gơboh gen tơnggơs bơh Yàng Tom Trồ mơ dòp git Yàng Tom Trồ.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.